風險管理 2013

有錢人在差不多整個農曆新年都無去拜年, 大部份時間都庫閒在家, 打機最多, 陪屋企人及小朋友玩就次之, 看書/上網也更少. 有錢人一向好少打機, 但近日開始沾上了手機遊戲, 更被有錢太太鬧過我幾次叫我唔好打機去湊仔, 話我有時間都唔陪小朋友,只掛住自己打機喎.

在新年的時候, 跟幾位做purchaser/ trading/ manufacturer的朋友見面時傾計, 佢地都不約而同地看淡今年的生意 ~~ 大家看著, 是生意啊, 不是甚麼樓價, 股價, 資產物業價格之類, 因為他們的公司分別做歐美, 大陸, 及亞洲地區的不同生意, 貿易往來. 從他們的經驗以至訂單數量/ 金額, 大家都感到隱憂.

有錢人工作的公司, 也發現有此一現象 ~~ 在人力資源方面, 過往幾年出親招聘廣告, 除了做admin之類工作會較為多少少回應之外, 可以說是小貓三四頭, 而且這三四頭小貓也大都太不像話, 放飛機的放飛機, 就算不放飛機的, 也不像希望想要找工作的. 找到 "所謂"的合適人員了, 返工都可以放飛機, 一句都無就唔見人, 打電話比佢才說係呀, 諗下諗下都係覺得唔返... 問佢點解唔打電話低聲, 竟然說唔記得...唉.... 不過, 這已是早一兩年的事. 現在出廣告請人已經較早前容易, 而應徵者的素質也較好, 或許, 這也是另一種反映.


德國股神科斯託蘭尼(Andrea Kostolany)在其書中說過:

 "有錢人可以投機, 錢少的人不可以投機, 沒錢的人必須要投機";

"任何學校都教不出投機家，他的工作除了經驗，還是經驗";


以有錢人的經驗, 瘋狂的日子還沒有來, 但風險永遠存在, 以前的我無兒無女無人無物無嘢所以點玩都得, 今天的我有兒有女有家庭有資產, 有"嘢"可以輸, 俗啲講就係 "條命貴左", 所以, 風險管理是開始有需要了.

"生意淡薄, 不離賭博" ~~~ 由於種種情況都顯示比有錢人知, 今年股市實在不像之前一年(2012年)咁歌舞昇平, 而有錢人條命又貴左, 所以投資/ 投機就一定更加保守了.

回看有錢人的: 資產配致 2013 ~~ 計劃2 (行動), 以現在情況看, 有機會那一百萬現金會全年都唔洗做嘢了 ~~~