甚麼是價值?

昨日有錢人談及 "想賺錢的不要只想錢", 當中的重點, 就是要指出, 價值才是王道, 今早看報正正就有一則新聞十分貼題:




新聞是有關渠務處用新技術年慳幾百萬電費的:

http://www.singtao.com/yesterday/loc/1009ao08.html
http://news.sina.com.hk/news/20131009/-2-3085748/1.html
http://www.hkdailynews.com.hk/news.php?id=301436

這新聞(暫時)的結果是, 用兩年時間、花費12萬, 可以為污水處理廠每年慳430萬電費.

如果你係老闆, 有著一個會提出呢個建議的員工, 在最初時, 你會投資比佢玩呢個PROJECT嗎? 當做到了, 12萬投資一年洗8萬換每年慳430萬一個場喎, 你有六個場(全港有6間二級污水廠), 你又會否再比呢個PROJECT去發展下點做?

一個PROJECT的價值 (或者講, 一個人的價值), 就在於佢做嘅嘢幾咁產生到"效果", 在商業社會 "結果、成敗論英雄", (雖然好多時不成功的個案有時學得更多, 教訓更多). 你有幾咁有 "價值" 唔係講你有幾勤力的, 新界隻牛夠勤力啦, 好多依家無田耕咪又係做流浪牛囉 ~~ 還是那一句 "效果"!!

那位渠務署高級機電工程師蔣志強, 就住呢單新聞喺好多報紙都上鏡, 我諗呢個PROJECT佢都應該參與不少吧, 睇下佢做到嘢之後個樣幾咁有自信同滿足感? (現實係, 其他幾間污水廠都因為種種原因未可以用到呢種新技術, 所以應該仲有排玩)

錢可以係一種直接的回報, 尤其是對於最基層前線的員工來講就更加係, 但當你的收入去到你覺得有餘之時, 錢就不再是"推動"你的回報了. 甚麼才是最能推動你的事情呢? 滿足感是也 ~ 英文叫 job satisfaction, 又或者係人地嘅認同( recognition), 但好奇怪, 如果你的工作有satisfaction/ recognition, 金錢的回報又好多時會更大, 此之所以, 大部份成功的人都會講 "找你喜歡做的工作, 以興趣為工作", 但對大多數唔想返工的人 "邊有咁好彩?!", 有趣味的工作不難找, 只是大家有無用心去為自己的工作加點創意, 加多點"價值".

當我們專注的東西不是錢, 錢就會來. 就好似買樓自住的人 (這些例子比比皆是,有錢人都係其中一個), 一開始無諗住要買樓賺錢, 只係諗住買左層樓返來, 正正常常供樓, 住得舒舒服服, 個個月比錢供樓, 有剩錢就儲下, 拎去玩下, 不知不覺, 幾年下來供樓越供越輕鬆, 樓價又伴隨經濟周期而上升, 在適當時機又可以換樓/ 買多層收下租 ~ 輕舟已過萬從山.

 所以, 做人做事, 第一不要為錢考慮, 要為價值考慮, 錢只是一個要求, 有錢也只是一個結果, 價值可以是一些我們想要的東西, 也可以是我們想得到的一些感覺. 把自己習慣成為一個可以不為錢而工作的 "工作狂", 你才有大機會變得成功, 變得 "有錢".

其實, 這真是有點諷刺吧?! 有錢的人不為錢工作!!