做個有錢人之路~ 2013/10/01

今天是2013/10/01, 國慶日, 放假一天, 股市也休息一天!!

 距離"起步" (2010/04) 已過了41個月, 又是時候回顧我的"有錢人之路"了. 我的財務現況: 


~資產~
物業:
一層自住樓, 仍然是約估值 500萬, 叫價仍然企在500萬-550萬之間, 本來死寂的地產成交, 上個月因為有新樓推出, 又多了少少話題, 成交也上升了, 但之後又回復死寂了, 這是一個先兆, 想投資樓市的初哥要小心了.

(非流動資產500萬)

股票戶口:
2013/09/30 收市價計,大約總值$80萬

9月份, 股市在美國的話退市又唔退市的消息推動下, 由22100左右飛左上去23500點水平, 月尾被推回 23000點左右. 有錢人在8月及9月時的, 開始優化股票組合, 也增加現金比率, 期間也收到過萬股息 (正!!!), 可謂賺價又賺息.

現在股票戶口的現金比率也去到55%水平, 比原本想要的水平略高了一點點, 所以嚟緊的時間會搵手一些合價的股票入貨, 但唔到價也不強求.

個人預期, 大市也許會被一步一步推低到返21000水平, 到時又係開始 SHOPPING的時間.


期權戶口: 約$67萬
繼續沒有"貪字得個貧"  (底線原則, 又救了有錢人一命), 由於月頭中移動狂升, 未到月中已有中移動 $87.5 SC 被殺, 扣血 $35,000, 雖然心痛但前車可鑒, 所以不要摶, 保本為上, 之後 2823 (A50) 的 $10 SC 也將告失手, 唯大市已升得太過急狂, 高處不勝寒, 所以月中開始調頭向下, 令有錢人今個月不至於白做甚至蝕錢, 最後埋單計數賺兩萬幾.

  
 

現金: 約$56萬

現金水平沒有繼續下跌, 但也沒有上升, 有錢人細看記錄, 是真的比以前 "洗大了"

(流動資產203萬)

~負債~
樓按: 大約$260萬
私人貸款: 大約$28萬


~~淨資產~~

($500+$203)-($260+$28)萬 = $415萬

與上個月比較 , 淨資產多了4萬, 主要來自流動資產; 對比"起步"時, 多左約$257萬(起步時估值為$158萬), 達標指數 41.5%  ~ .~
目標~~有錢人希望以一千萬淨資產以作"退休生活"之用.

= = = = = = = = = =

有錢人為了擴闊自己收入圈及能力圈, 努力成為自己以外, 仲有家人, 朋友, 公司的 "投資經理", 就好似一個私人基金經理般, 幫身邊的人賺錢之餘, 也迫自己投資更謹慎, 當然, 作為一個"基金經理", 我係會 "有償工作"的.

截至2013/09 月尾, 本年度(2013')之客戶資金回報(平均): 4% (還有三個月造成績)
= = = = = = = = = = =