繼續強積金 ~~~~ 後生要搏? 老來保守? (1)

有錢人認識的朋友, 有不同年幾, 不同行業, 也有不同階層. 佢地管理自己強積金的方法及心態真的可以好唔同. 本人認為最叻都可算係有錢太太. 何解? 因為佢本人對投資的操作完全無興趣, 自己又唔識, 所以將所有嘢交左比有錢人處理. 佢連自己MPF 戶口號碼係乜都唔知, 買乜又唔理, 就連戶口有幾多錢都唔洗知. 但最重要係, 佢呢位MPF 經理 (即係有錢人), 一定會全心全意全力幫佢做到最慳, 賺到最多, 保管得最安全, 更加唔洗比管理費, 而且一定食唔到佢夾棍添.

 
但其他朋友就無有錢太太咁好彩, 必需要自己管理自己的戶口 (可能唔止一個戶口). 有時候(尤其近期有錢人多左睇唔同嘅MPF) 同佢地傾開, 更加發現原來好多人都唔多理自己的MPF 戶口, 基本上都只係任意地放喺股票基金或者求其咁分配過就算, 亦唔會積極管理自己戶口比例, 以爭取更穩陣或更好的回報.

 

其實, 雖然MPF唔係好似股票咁樣可以自由選擇及自由買賣, 而且有部份(僱主部份)是不由得我地去自己選擇基金公司, 但其操作本質及概念, 都與我們的其他投資是一樣的 ~~~ 第一原則: 不要蝕錢, 第二原則: 緊記及遵守第一原則.

~~~ 講到尾就是要穩陣地爭取高回報囉 (廢話??)

 

可笑的是, 這些雖然是所謂”係人都識”的槪念, 當有錢人問起朋友們會點做的時候, 竟然超過一半講不出所以然…. 以下是些較常聽到的答案:

 1.      我年幾細, MPF 戶口唔多錢, 緊係放晒落最高風險啦, 有得搏吖嘛.

2.      我平均分配喺股票同債券囉.

3.      呢排個市咁旺, 咪放晒喺股票囉, 升到咁上下, 似見頂咯, 就轉返去債券/ 保守基金囉

 有錢人不敢講呢D做法對與錯, 因為喺特定時空及市況下, 上述的做法可能會係得到最好回報(或最少損失)的一種做法. 只是, 如果以有錢人的概念前提下, 都可能唔夠平衝而已.

 如果要做到平衡, 是真的要”管理的”… (待續)