繼續強積金 ~~~~ 後生要搏? 老來保守? (3)

繼續強積金 ~~~~ 後生要搏? 老來保守? (1)
繼續強積金 ~~~~ 後生要搏? 老來保守? (2)

為了令上兩篇文章不太流於理論層面, 有, 所以有錢人以上兩篇為基礎, 加上以過往由2005年到2014年的數據作計算.

為了簡單化計算, 有錢人只用恆生MPF中的”強積金保守基金”同”恆指基金”的數字做例子 (因為數據容易DOWNLOAD), 而且, 全期分配比例是不變的, 即是, 如果一開始選擇保守/恆指是6/4比, 無論升跌市都以6/4比投入.

 

 

 
圖中所示, 不同顏色代表不同比例地把供款放於恆指基金, 波幅最大的就是全部放晒入恆指基金, 中間的平線一般的就是全放在保守基金.

以實際回報率計,

如果05-14 呢10年, 供晒落恆子基金的話, 年度化增長是5.38%增長, 但如果計 05-08年 (08年有金融風暴), 年度化增長是 -12.9%, 另外09-14年, 年度化增長是16%

 如果05-14 呢10年, 供晒落保守基金的話, 年度化增長是0.91%增長, 但如果計 05-08年 (08年有金融風暴), 年度化增長是3.7%, 另外09-14年, 年度化增長是0.8%

當中說明的, 就是如果我們懂得在07/08年左右的時間, 減低恆指基金比例, 增加保守基金比例, 而又懂得在09年左右的時間做相反動作, 我地條回報線就會升LEVEL 喺藍色線以上進發, 而並非跌左落負數. 當然我地無咁叻捉到所有升跌的浪頂浪底, 但在浪中間近頂時識得停住 (減少恆指基金增持保守基金), 又懂得近底時識得加力 (增持恆指基金減少保守基金), 我地的平均年度化增長一定高於5.38%增長 (全供恆指又不增減比例的10年度年化回報)

咁有甚麼指標比我地咁操作? 如果以恆指基金為例子, 我會首推盈富基金的息率, 至於其他地區的股票基金, 也可找相應的指數基金作操作指標.

此例不是要講有錢人的方法天下無敵回報最大, 相反, 呢個操作一定不會令MPF 食盡每個升浪, 也不會可以完全避開跌勢,  操作目的只是平衡風險, 慳D驚風散而已.

另外, 其實 MPF 都有一個好處的是, 就是我們也可以選擇外國的股票/ 債券基金, 比起我地自己單頭自己搵銀行買呢類基金, 應該是簡單點及便宜一點.

最後, 回應返個題目, 真的是後生要搏? 老來保守? 非也, 其實, 最重要係認知自己投資緊D乜, 操作緊D乜, 預期D乜, 咁, MPF 也可以立於不敗之地吧, 其實, 無論初出茅蘆或是就快歸園田居, 都需要好好管理自己的資產.

大家加油, 祝大家都老有所依