光復XX與水貨客

有錢人一向不多參與政治討論, 也很少去投票選立法局議員, 反而有時會去投票選下區議員, 因為區議員的工作地區性多一點, 而立法局的議員, 在有錢人眼中, 大多是在圾垃局中任意罔為的猿人. 今次想寫寫最近的 “光復XX” 行動.

反水貨客的”光復XX”行動, 由上水, 元朗, 屯門到尖沙咀等地方, 他們到過之處無不發生衝突, 有錢人在電視畫面及報紙圖片所見, 最近在元朗的 ”失控”, 到屯門的 ”欺凌”, 感覺都好像是有一班年青人在發洩, 多於對於一個不合理的現象/ 政策表達不認同. 雖然主辦方有人員出來解釋一些失控/打罵前因後果, 但其回應的效果予人推卸之感.
 
其實, 有錢人身邊的朋友都有不少是來自上水/ 粉嶺/ 元朗/ 屯門, 總之都係新界西北的居民, 大家都會認為”自由人”太多, 人人拖住個箱, 有時都幾討厭, 但當大家講到去 “光復XX”, 大家都幾厭惡, 原因都是因為呢類行為, 在朋友心目中都是旨在發洩多於表達的無聊活動.

老實說, 作為一個住在新界西北的人, 我其實未看到甚麼實際作用. 這些”行動”在二月頭農曆年之前已經個個星期做, 那些”XX公民”/ “XX前線”都經常 “落區”, 但據我所知, 當時水貨/ 人流根本無減 ~ (點解我知? 因為我係西北人囉), 而新年後一般都是較靜的月份, 看不出是因為他們的行動令”水貨客”不敢行動? 或是人家放假? 但常理是, 為生活, 為賺錢, 點都頂硬上啦, 又唔係犯法, 係咪? 人地犯法被人拉就天經地義姐, 否則就係不仁不義嘞.

為了生活, 你可以有幾盡? 人家水貨客 (其實有不少是香港人), 每日拖夾上上落落過關, 賺三兩百一日, 都是為生活. 正所謂, 比啖飯食下得唔得呀? 有錢人識得有個專做深港水貨”運輸”的老闆, 佢一年TURNOVER 3千萬, 你估佢一年賺幾多? ~~~~ 三百萬, 10% NET PROFIT, 勁嗎? 但佢個個月都要疊支一百萬嚟賺呢一年一百萬嫁, 有咩衰左, 一百萬就呵呵呵了, 老闆話係辛苦錢, 有錢人話食得咸魚抵得渴, 賺錢從來都辛苦 ~~ 但我無呢個能力食呢條咸魚之嘛, 有能力我都想食喎.

另外, 有錢人唔知水貨客/ 大陸客令租金上升左幾多, 跟住又直接/間接令貨品貴幾多, 但作為一個消費者, 我可以講, 那些 “水貨店”/ 藥房的產品售價, 一定比萬0同屈人屎便宜, 好多時唔係平少少, 係平好多, 當然, 平得多, 貨就緊係去得快嫁啦, 如果肯比多三兩十蚊一罐奶粉, 十零廿蚊一包尿片, 三幾蚊一盒CREAM 仔, 咁萬0同屈人屎, 甚至惠LONG/ PK都一定有貨啦. 唔好因為人地D 平嘢比人買晒就鬧話比人搶晒貨先得嫁.

如果一簽多行自由人沒有了, 或減少了, 水貨客就一定剩下香港人吧, 情況又是否會改善? 又或是整個"水貨城" (上水那邊的倉庫不是水貨城麼?),又會如何 ? 哈哈, 我唔識分析, 木宰羊.