五個小孩的校長

早幾日, 有錢人同有錢太太兩個人拍拖, 走去睇左 “五個小孩的校長”, 呢套都可算係近期有錢人最想睇的戲, 所以有錢太太就順著有錢人意思, 仲要用信用卡積分換戲票, 一齊入場了. 當是免費的, 哈哈. 遲d要買返隻碟同有錢囝囝一齊睇.

關於4千5校長的故事, 早有所聞, 今次入場睇呢套真人真事改編的戲, 仲要係真人呂校長還未死 (平時D真人真事改編戲所講嘅人物都死左嫁嘛), 仲係好有心有力地參與教育事業, 感覺上更真實, 更親切.

雖然有不少人讚楊千嬅演得好, 有錢人也覺得佢好投入角色, 尤其最後畢業那場, 個人認為佢嘅情感是真的, 但有錢人同太太都覺得佢未演到我地預期嗰份味道, 可能還停留在”新紮師妹”的時光吧, 感覺上就是少了份母愛. 我們討論過, 如果找些年幾再大多DD的, 例如袁詠儀, 郭少雲之類的, 可能效果更住, 木宰羊.

除了主角外, 有錢人更想讚賞當中的配角們, 每一個都表演得很好, 每個都讓人印像深刻, 由街坊到家長到校監夫婦, 老戲骨就是老戲骨. 讚!!!

看完戲, 有錢人慶幸, 有錢囝囝也在一間充滿愛心及包容的幼稚園上課, 因為不是甚麼名校, 校園沒有一般名校對學業的要求, 只有教職員對每位學生的關心, 愛心, 學校著重的, 是學生的日常生活及對學習的興趣, 卻不是成績, 這也是有錢人所想的. 有錢人不是怪獸家長, 不要有錢囝囝十八般武藝 (也沒有能力令他有), 但給予他們豐足及快樂的童年學習時光, 應該是有心有力的