股市發狂, 於我何干?

近期股市因為阿爺放寬內地大戶投資限制, 可以讓內地的大戶出來放羊, 港股即由2萬4水平飛上現時2萬7水平, 早兩日更曾挑戰2萬8水平 (高位27,922). 由於有大水喉射住, 加上AH股折讓開始為大眾所意識到 (其實呢個一早已經講緊嫁啦), 一時之間股市變得極度熾熱, 在巴士, 食飯, 身邊朋友無不講起股市.

這情況讓我想起07/08 年的時候, 又係”北水南調”, 然後由2萬5升上3萬, 3萬2…… 之後… 次按出現, 匯豐出事… 股市直插至萬8. 有錢人不是想危言聳聽, 只是, 自有錢人開始認識股票, 到真正親身接觸, 前後都有十幾個年頭, 當中每年三五千點上落, 每隔兩三年也有一萬幾千點波幅, 自覺不是神仙, 絕對不能也不懂捕捉上升下跌何時發生, 只知股市有升跌, 升市時不要太瘋狂興奮, 跌市時亦不用太悲觀.

回說今期股市狂升, 有錢人也得到一些甜頭, 但絕對不多, 大市升了約15%, 個別股票更升了20%有多, 而有錢人的股票組合只是微微升了大約10%, 原因是有錢人沒有”勇”字掛心口, 只是平常地按自己的計劃出出入入.

有錢人不是黑心眼, 而我也相信今次升市應該仲有一段上升勢頭的, 只是現在的我更相信”平安在心中”, 如果上升之勢繼續的話, 我反而會減持手上的股票, 增加手頭上的現金, 直至一個”全勝水平”, 然後靜待股票價格回歸有錢人認定的合理水平. 相信我這個做法, 很多人都識得講, 但要講得出做得到, 而不為大市所引誘, 可能只是少數.

另外, 今次升市對我的影響還有在於期權上, 由於波幅擴大, 有錢人也做了些期權, 價位差距大了, 但權金卻不減:

941 中移動

SP $100 @ $0.30

SP $102.5 @ $0.61
SC $120 @ $1.00
SC $122.5 @ $0.60

(從價位變化睇, 941上升的機會看似高一點)

祝大家順風順水