卜蜂收息之餘搏升價

 如果講卜蜂呢間公司名, 可能大家唔係咁有記憶, 但如果講CP雲吞呢, 大家就可能會有D記憶, 因為喺超市買即食雲吞呢, 來來去去嗰幾個牌子.... 灣仔碼頭/ 公仔/ 東東/ CP, 有錢人過往就最常買CP, 因為呢D食品呢, 味道唔會差好遠, 無乜機會中伏之下, 最緊要就係平, CP成日做特價, 買一送一計埋可以平兩三成, 所以CHEAP CHEAP 的有錢人就會選擇CP喇.

咁樣講返股, 人做豬你做豬, #288 可以大到入左藍籌, #43就成日都係蚊股毫股兩邊走. 但都無乜所謂嘅, 反正以食息勝也角度睇, 唔理你中環家係大口環, 收到高息就係好野, 卜蜂由泰國華橋謝氏家族做起, 生產主要遍佈中國、越南, 呢兩年非洲豬瘟令肉價升好快, 毛利進步左, 錢又賺多左, 雖然派息比例低左, 都仲可以派到10厘以上高息, 所以有錢人預期 #43 都係會升多D. 咁就足夠賺晒佢個息....