有錢人之所有廣告收入, 將全數捐予慈善團體

2010年5月18日

起步 前傳 (一)

最近, 看到網友"大口仔"的文章:
http://tabodiary.blogspot.com/2010/05/blog-post_05.html

引來不少回響, 所以都想把自身經歷紀錄下來, 與大家分享. 最重要係, 希望日後自己的仔女睇得到, 唔好行錯路. (為保存少許私穩, 有些數字是按比例更改了)


其實, 自己的財務狀況, 一向都不是太好, 回想讀書時, 已經欠下很多卡數, 但因為自己努力做part-time, 所以都算係頂得住 ~~~ 個minimum pay...

唉, 人生就係咁嫁啦, 當係有就唔識得去珍惜, 到無左先至嚟後悔莫及. 以我為例, 其實如果我唔係掛住去洗去玩去消費, 以我當年的賺錢能力, 應該在三年的大學生活裡儲到不少錢嫁啦...

由大學一年級開始, 我每個月part-time收入不少於$5000(一年有6,7萬, 多過好多full-time了), 又有grant and loan: 我當年平均每年grant 連loan連車船津貼都有6萬幾 (即係交完學費約4萬2都仲有兩萬幾淨), 我唔洗用阿媽阿爸錢, 每年都有成十萬八萬銀洗嫁啦, 其實, 我每個月搭車食飯只係要千零兩千攪掂 (即係一年兩三萬實得), 加上每年大約兩千蚊書簿費, 我應該係有5, 6千儲, 但我無!!!我都唔知洗左去邊了, 只知道, 有得玩, 我就去玩, 有得去旅行, 我又去, 因為我覺得自己賺到錢, 唔怕洗, 唔怕欠卡數.....直到我畢業的時候, 我的信用卡總欠款係三萬 (其實唔算高吧).
(有信用卡的朋友, 記得要每個月都還清卡數,否則只會令你債台高築 ~ 當然,減少無謂消費係最好的)

我出來做事, 是科網股爆破之後一年, 市況其差, 大學同學十個有差唔多一半都只係搵到月入一萬唔夠的工作, 當然, 我是較"醒"的了(自以為), 但都只係萬零銀一個月, 始終, 個市唔就鴉嘛, 我地當時個個英文都已經"lok" "lok"聲, 兼且對答如流, 都係萬零銀咋, 有好多仲係搵唔到工, 只可以做PART-TIME, 依家我去"in"的applicant 嘛.....好多都英文唔多掂, 要求多多, 有些真係"醒"啲的朋友, 要求就更高了...(時勢真係唔同了)

香港, 真係一個福地, 無乜死人天災, 戰禍, 但唔代表世界大事對我無影響喎....我出來做事, 同"大口仔"一樣, 並不比現今的年青/ 年長朋友好, 2001年初出矛爐 - 911, 2002年美國打阿富汗, 2003年沙士, 2005年美國打依拉克. 仲有早兩年的"金融風暴", 我做過的公司, 試過減糧、無雙糧、減人工、減人手, 真係乜都試過了. 但外面的世界如何, 我管不了, 我可以管的, 是自己的事.

還記得我上面提到自己欠卡數3萬元吧, 我出來做事, 以為自己真係好醒, 繼續消費, 還min-pay, 唔夠cash? "look card"啦, 想買東西? "look card"分期啦...

要知道, 讀書同出來做事對我此一輩年青人最唔同係乜? 就係要比家用阿媽, 我讀書時所有收入都係自己的。我唔洗阿媽錢, 阿媽已經不停讚我生性不特止, 仲成日驚我唔夠錢洗,問我要唔要錢, 我一話唔洗- 自己攪得掂, 佢已經一個冧樣. 出來做事? 出糧要科啲比屋企, 同屋企人出街食飯要埋單, 過時過節"送禮" (雖然父母無講, 但要父母開心, 自己都要識做, 呢啲咪叫孝順囉) (我相信, 大部份年青人出來做事都係一樣).

自己已經大洗嫁啦, 再加埋屋企開支, 我的卡數已經慢慢去到我幾個月人工都還唔晒... 2004年, 我有見及此, 再"好醒"咁向 "xx財務公司" (唔係大耳窿, 係成日賣廣告的那些)借左啲錢還卡數, 滿以為個個月還同一舊錢就ok啦,三兩年清晒所有數 (個plan已經比信用卡收少左利息(信用卡實收40%), 但都要10%一年...), 但原來事實並非如此, 因為我的財務問題,唔係因為我的信用卡, 係因為我的性格同習慣 (大洗/ 先洗未來錢), .
大約半年之後, 我計一計自己的淨資產, 係"負10幾萬" (仲欠多左?!). oh NO!!! 借錢還卡數根本解決唔到問題 (千奇唔好信廣告)~ 我細心正視自己的問題, 我決定, 我要改變, 我要 "CHANGE"...

1 則留言:

  1. 我同你遭遇差唔多,剛出來做嘢個市好差,但就好過宜家啲年青人,唔知咩叫苦

    回覆刪除