有錢人之所有廣告收入, 將全數捐予慈善團體

2010年5月18日

投資股市做功課 (三)

今次我要詳談自己的選股程序:


程序一 : Filter出最適合的20-30候選股;
要做呢一步, 首先要識得搵一些幫手, 現在市面上大部份股票行, 股票網頁都有一個名為"股票篩選"之類的功力 (有平有貴有免費, 觀乎其功能不同) , 用家可以自行選擇不同平台去做篩選.


我的基本篩選指標有以下幾個:
1. 市值: 不能少於1000m (即是十億):
市值是甚麼? 是市場設定一間公司的價格, 雖然, 就算我有無限資金, 唔代表公司老闆會用呢個價賣間公司比我, 但如果一間公司的資產/ 賺錢能力遠不及市值, 其市值最終都一定敵唔過時間的洗禮而下跌;
   
另外, 市值都代表著公司的規模, 以今天2010/05/17的價錢來講, 一個太古城細單位閒閒地都四五百萬了 (十億都只係買得200個細單位咋, 一幢太古城都買唔起啦), 如果一間公司, 規模無返十億八億, 唔好話在市場上"發大"來做, 連生存在"風雨"裡都有問題, 一個浪殺過來.....
   
之前, 我都有用過50億作為"市值"底線, 但當我細心研究香港的公司時, 發現同外國, 尤其美國有一個大不同的地方, 就係在香港的上市公司,有10億8億的公司,大部份都已經係安全的公司, 即係唔會無端端一個浪即死關門大吉. 但在美國, 如果公司規模無返幾十億(港元計),又真係易死好多嫁喎. (當然, 呢個設定係"底線"而已, 不代表一通過就會被選上).

2. share price / sales income per share (P/S): 最好在2-9倍之間
呢個ratio即係講緊每一股做幾多年生意, 先可以等於一股的股價; 呢個比率做來比較公司的"收入能力"對比股價, 同P/E (市盈率) 有點似, 但影響 "E" (賺錢)的因素太多, 所以用上呢個做一個比率初步比較會較可取:

3. income increase rate: 平均每年不少於10% (最好有越長歷史越好), 但最少有三年的平均收入增長不少於10%; 每間公司都一定要有增長, 不用多說.

4. current ratio (current cap / current debt): 大過1.5倍
呢個比率用來代表當一間公司在跌市, 或者有意外時(無人知幾時有"意外"),無端端比人call loan (即係被追還債),都一定有錢還比人.
點解要1.5倍? 因為在跌市中, 大部份capital都會同時跌價,甚至無人承, 無人買, 所以要有多起碼一半做buffer. 如果一間公司存有大量現金作為capital (不過呢一類case唔多), 當然比率可以低少少都接受啦;

5. long term debt / net cap: 少於0.5 (就算財務非常穩健,都不能超過1.5)
都係同一原因, 比人call loan, 有位走, 我們永遠不知道"意外"發生在 "短債"還是"長債";

6. 經常性收入: 大過50m (五千萬)
同市值一樣, 無呢個數, 規模大極有個譜, 算了吧. 但要留意, 係經常性收入啊, 因為有些公司會賣樓/ 炒股.... 有好多"非經常性收入";

7. ROA (return on asset): 一般不少於8% (但底線是5%)
資產回報率太低, 即是公司經營不夠妥善, 不能夠善用自己的資產作為賺錢的工具。但如果太高 (超過25%)又要小心, 因為只有絕少行業/公司可以長時間做到呢個比率;

8. Fund held share %: 不少於10%
如果上市公司好識賺錢, 會唔會吸引不到基金公司/ 投資公司的菁萊而買進? 絕對不會.


9. SG&A (sales, general, adm cost / sales income) (即是行政開資對比收入): 最好不要超過10% (一間好公司的比率, 一般都會一年一年減少)
10. 股價: 最好低於$50 ~~ 原因好簡單, 較容易買得起多啲, 但當然, 呢個唔係一定要, 如果一間公司的股票十分值得投資, 就算$200一股呀, 都買得過啦

做完10個基本filter之後 (每個人心中底線都唔同), 應該可以filter到20-30隻股票, 如果唔得(太多或太少),把不同的指標增加或減少(視乎看重邊一樣公司"特質"了).

程序二: 找出有關公司的年報/ 半年報 (最少五年):
好簡單, 上有關公司網頁, 一定有, 如果找不到公司網頁, 去各大股票行或証監會, 一定有; 其實呢一步可能同上一步同時進行, 因為有些比率係要自己做點功課計一計的 ~

睇公司年報的好處: 你可以知道一間公司的長處/ 短處, 往後幾年有甚麼機遇/ 挑戰, 從以前的年報, 你更可以知道一間公司的管理層對未來的"預測"能力如何, 財務"誠信"如何 (因為紙係包唔住火的), 從而得知該公司是否值得信任;

我尤記得,得第一次睇年報, 做了足足一日去睇一間公司的其中一年, 但現在, 因為有經驗, 我只需要用一個鐘就可以"lun"完一份了(雖然都唔算快,但已經進步不少了).

唔好以為呢一步唔重要呀, 我知道有好多人, 買股票係唔睇年報, 淨係睇人地的"評論", 甚至是電視報紙的推介, 我對這些朋友的說話是, "祝你好運", 因為你地將自己賺錢的"控制力"放左比一班以"推介"維生的人.

~~下章再續其他程序~~

沒有留言:

發佈留言