945 宏利保險 - 10年第2季業績出事?

呢個星期初, 宏利(945)公報第二季度業績, 錄得虧損24億加元(約184億港元),可謂強差人意 (其實一早已預計到嫁啦~~ 利率低企加上歐美股市不振), 所以近日被基金洗倉加上大行發功,令股價一下子由120鬆啲直插接近$100水平。


見到呢個情況, 好多"分析大師"即時走出來話宏利已死之如此類, 有錢人就剛剛相反, 希望佢再跌深啲, 可以讓我能平價買入. 根據有錢人簡單分析, 宏利內涵值應該做到$170-$180. 當然, 要佢今年之內翻身的難度分起碼3.8. 但要佢兩年之內翻身, 相信難度分都只係2.0 (係基本動作).

試問, 如果有一隻股票, 在兩年內可以比到70%回報比你, 即係平均回報超過20%, 你會唔會選擇呢? 對我來講, 宏利就是了.

但問題係, 我依家唔係有好多資金, 所以, 我只會留兩注錢, 第一注喺$100以下買入, 如果咁好彩可以跌去到$90, 我會再買第二注 (不過, 機會唔太高了), 再如果跌得到去$80, 即時抽調資金入第三注, 如此類推....

雖然, 好多大師都說宏利變了, 但我又唔係咁覺得, 起碼佢嘅投資/資金使用政策不變, 大部分客人對佢信心不變, 保險收入沒有大跌. 調整一下, 必可再上!!! 如果佢供, 我額外供添呀.