你想樓價升定跌

很多人以為, 在年初時出現歐債問題、美債問題、中國經濟增長放緩等等不利因素, 有可能令到樓市下跌或是調整下, 但到現在回看, 又好似無甚麼影響般, 之後又有說振英哥上場也許會有一番風雨, 但現在上場一個多星期, 他的團隊反而說只想樓市平穩發展, 不希望樓市大升大跌云云....

作為散戶的我, 又用甚麼心情去面對這樣一個市況呢?

有錢人作為一個已經擁有自住物業的人來講, 雖然我仍然在供樓行列中, 而且供樓負擔比未換樓之前多了一倍, 但我也根本不會太理會樓市升定跌, 我最在意的只是我每個月的現金流能否足夠支持每個月的支出. 我也深信銀行也不會因為樓市跌了三成或更多, 追我那一百幾十萬樓價差. 

銀行也不是傻的吧, 如果一般造按揭的客戶, 有能力隨時在樓市突然下跌幾成之後都仲可以輕易交出差價的部份, 他們會冒著無生意做 (趕客!!)的風險去要求客戶去比差價嗎? 又假如客人有能力按月乖乖還按揭而無能力一次過比差價 (這是大部份人呢!), 銀行又會否去 "迫"死客戶, 然後收樓拍賣? 所以, 從成本效益及工作的容易度來看, 就算是樓價向下跌的時候, 銀行也不會輕率地要求已成功造左按揭個個月還款的客戶交差價.

就算以2003年沙士時淘大樓價跌到落地底, 也未有聽聞銀行向客戶追收差價的新聞~~~ 都係將心比己而已.

樓價升跌, 一般不會影響我等擁有自住樓的人的做法 ~~~ 繼續供樓, 繼續住. 想我放? 除非我想搬, 或者天價幫我買吧, 哈哈.

= = = = = = = = = = =

有朋友說個樓市都升左咁多年, 係時候回一回吧... 有錢人認為, 以現在的市況看, 不大升就緊嫁嘞, 但講到要跌嘞喎... 調整一成也算多了. 原因好簡單:

1. 利率低: 借3百萬供30年, 現在都只係供萬多啲一個月, 要借3百萬買樓的人, 層樓都起碼值三四百萬吧, 收入也不會少於五六萬一個月吧...拘拘一萬兩萬, 濕濕碎而已....

2. 除非有比雷曼更大獲的事爆左出來, 否則, 也只是調整一成左右而已: 經過雷曼及歐債, 歐美到依家都未復完, 還有排玩慢慢療...要背靠祖國的香港樓市死, 等於整個地球一齊也不好受, 你估啲大國政府敢嗎?

所以, 要買樓自住的, 最重要係計好數, 比到首期之餘, 再準備定6個月供樓現金流, 去吧!! 至於想買樓投資的朋友... 不如買住盈富、移動、中電、維他食下息等等吧.

共勉之