置業是投資? 是消費?

置業是投資? 是消費?
這個問題已經被廣泛談論過, 有錢人以前也都講過下 (2010/06/05: 買樓自住 vs 買樓投資)...


兩年後的今天, 朋友A的新盤單位已經升值兩成有多了,  但朋友A呢兩年係無住過該單位, 一直放租比人, 搵人幫佢供樓之餘, 好似還有少少錢回籠, 呢兩年, 朋友A可謂食租又食價. 因為朋友A依家係同屋企人一齊住, 係house嚟嫁, 有得食有得住, 比我都唔捨得走啦, 佢諗住過多兩年先搬入去住, 過返啲"自由"一點的生活喎...

如果, 當初朋友A用"投資"的角度去睇層樓, 佢未必有興趣買, 但有錢人當時開了她幾個問題, 引導她自己攪清楚是 "投資" 還是 "自住" (即是消費)... 噢, 原來是消費, 通了!!! 事實是呢兩年來, 有錢人睇錯市, 樓市越升越有, 朋友A的屋苑升起上來比有錢人持有的物業升得更狂.

除非你是有錢到, 大把現金一次過比晒所有錢, 有錢無地方洗 ~~~ 可以選擇比啲我. 否則, 大家在買樓之前, 記得想消楚自己買樓是投資 OR 自住,

投資, 只講回報!

自住, 只講自己喜不喜歡, 比唔比得起首期, 供唔供得起按揭, 不要多想它會否升值!!