有錢人之所有廣告收入, 將全數捐予慈善團體

2012年7月20日

地獄黑仔王, 你是最幸運的!!

最近睇報紙, 有好多炒乜炒物搵到幾多幾多錢的新聞訪問報導. 有一些更加是年青一代, 他們被神化為 "少年股神"之類的稱號. 然而, 有錢人不知道當中有幾多人曾經試過投資失敗, 又或者是每次都是靠其完美的分析加上正確策略得到大勝結果. 但無論如何, 賺錢的人就是賺了錢吧.

一個投資人, 要最少有一次牛熊交替的經歷才算是有經驗 (無十年都要有八載), 在一個短時間內可以賺錢的人多的是, 多多少少講運數, 近年樓市飛升, 能夠在樓市中賺錢的人多的是 (有錢人都在此浪中得到唔少租頭), 但要知道, 可以順勢而行是一種福氣.

如果大家返回2003年, 比你有三百萬現金, 在當時你敢唔敢, 又有無心情買樓? 買股? 如果你係可以經過分析之後去買入的, 你就是真正的強人了!!!



可惜的是, 十個賺錢的人有8個係唔知點解自己會賺錢的... 如果我地只做老散, 投資只係當儲下錢, 賺下生活費, 賺下息, 有甚麼所謂, 反正不會蝕死人的. 但如果我地要做投資專家, 就最好做一個地獄黑仔王, 即是從來生存都不可能有幸運之神卷顧著的人, 否則, 我地會死得好慘!!!

講一個有關賭錢的故事, 這類故事每天也不停地發生....

賭仔A好喜歡過大海賭錢, 有一次他拎住兩萬元零兩百元過去, 心諗, 如果唔好彩輸晒兩萬元就拎住兩百元返屋企.
佢一入賭場, 先玩百家樂, 第一口買閒 ~ 中, 第二口又買閒, ~ 再中, 如是者, 賭仔A連中十口百家樂, 短短一個鐘頭唔夠就嬴左差不多四五萬銀, 賭仔A心諗, 今日咁好運, 好!!! 買得大贏得大, 加大注馬先....點知, 一加大注馬第一舖就唔中了~~~ 再來一次......又唔中, 如是者, 又是短短半個鐘, 開頭贏的四五萬都送返比賭場了....

賭仔A繼續下注, 有贏有輸, 但輸多贏少, 最後, 花了近兩個鐘, 把帶來的兩萬元輸淨兩千, 就喺呢個時候, 疊馬仔出場了... 回本心切的賭仔A又點會記得自己入場前的想法呢? 佢只會記住自己的"幸運"時光... 最終收場如何??? 緊係賭仔A比疊馬仔的老板派人"陪"佢返屋企啦....

如果, 賭仔A一開始就是地獄黑仔王, 買閒開莊, 買莊開閒... 有錢人肯定, 佢買到第四五鋪可能已經收手, 拎剩返啲錢去食, 去玩, 去做乜都好, 總之就唔會去賭, 更加唔會借錢去賭...如果, 賭仔A懂止蝕, 嚴守止蝕, 也不會有人"陪"佢返屋企...

在賭場內, 只有兩種人可以有實力去贏錢, 第一種就是開賭的人, 第二種, 叫做職業賭徒, 通常, 佢地已經比賭場請左成為莊家, 或者被列入黑明單, 唔比佢賭.

在此奉勸大家, 如果大家要在某一個項目裡成為專家, 不要靠連氣, 要靠努力, 靠實力!!!! 更不要被一時的勝利衝昏頭腦, 否則, 會死得好慘!!!

共勉之!!

沒有留言:

發佈留言