控制金錢的能力

在 "資產配致 2013 ~~ 計劃2 (行動) "提到, 有錢人把放租樓賣了, 前後手頭上共有200萬流動資金, 有錢人係一個"有錢就身痕"的人, 經常都會心癢癢, 要搵啲嘢做, 搵啲地方"洗"左啲錢去, 真係要風吹雞蛋殼, 財散人安樂...

有人說, 當你有"能力"賺到一百萬, 而又有"能力"控制到呢一百萬, 你就可以有能力賺到一千萬; 又當你得到那一千萬又控制得到它, 那就是時候要邁向搵一億的能力.


然而, 這一刻有錢人都未覺得自己有能力好好控制到這 "一百萬", 也未有能力同把握可以憑一百萬去賺多幾個一百萬回來, 雖然, 以淨資產計, 有錢人老早已經得到一百萬, 但講到流動資產, 甚或是現金一百萬, 這是咁大個仔以來第一次, 看見自己的銀行存款上有7位數字停留超過一個月, 而且, 那不是水過鴨背式的放在銀行又要轉戶那種啊.

中國人有句說話: "冤枉嚟, 溫疫去!" , 沒有通過努力得回來的錢, 是很容易消耗掉. 所以, 我必須更努力去加強自己控制金錢的能力, 也更要加強自己的賺錢能力!!

目標~~有錢人希望以一千萬淨資產以作"退休生活"之用.