有錢人之所有廣告收入, 將全數捐予慈善團體

2013年1月30日

自己決定命運

英雄造時勢, 時勢造英雄

一個人的性格及習慣是很難改變的, 除非是一個人面對了生命中的極大突變, 令其生活習慣不得不改變, 又或是受到極大的衝擊...例如, 身邊至親離世, 自己面對生命威脅等等. 然而, 大部份人都沒有這個"福份", 或是沒有這個感知慧根去感受到自己應該作出改變.


如果你自認為自己有才能, 但得不到機會一展所長, 那請你自行想想, 為何自己不能一展所長? 大部人面對這一個問題的時候, 都很容易把矛頭指向外在因素,而不是內在因素(即是自己), 就如最近炒得火熱的樓市, 買樓上車的問題, 當大部份人在講樓市升到癲, 政府無能力壓樓價, 上唔到樓十分慘之類的問題時, 作為一個有樓之人, 我會想:

點解有那麼多人在早三兩年前沒有買樓的呢?

預測答案可以係: "當年無錢",  "沒想到樓價升咁多", "當時未有需要" 云云...

那麼, 為何當年會無錢的呢? or 點解當年唔識想到樓市會升咁多? or 點解當時無即時需要, 但又唔為未來需要作預備呢?

= = = = = = = = = = =

有錢人不是要談樓市, 而是想表達, 一個人的決定是他本人的決定, 行為是他本人的行為, 而結果往往只是一個表徵, 最原始的根源, 也還是性格與習慣. w說自己很想買樓, 早幾年也曾經去睇過樓, 但最終不是睇唔啱就是價錢不合, 也曾經錯過了荀盤. 細問之下為何會錯過, 原來是他家姐的一句 "依家樓市都好似好貴, 不如睇定啲先買啦". 就係咁, 他就把已睇啱想出手的決定打破了.

你說上唔到車, 是社會的錯還是w家姐的錯? 還是w自己的錯? 無論責任在誰也好, 結果是w還是要跟父母同住.

= = = = = = = = = = =

再講多一個現實例子, 曾經有一個年青人, 自以為應該在股票投資市場打滾, 但佢未讀完書畢業就欠落一身債, 根本沒有可能有時間比佢慢慢搵投行/證券行的工作, 最後, 佢好彩好快就搵到份工, 人工都算夠食, 但係大使性格使然, 佢欠債日深, 比起畢業時欠債更多, 所以更加無能力轉行,由低做起...(因為已經支不底債)

但佢無放棄自己的想法, 雖然無得在證券行/ 投行工作, 佢都自己去學習投資的知識, 幾年過去,  年青人可算略有小成, 也學到更多與投資有關的事情, 現在, 他不但幫自己同屋企打理投資事情, 更開始為他的朋友做投資服務. 雖然不如初在投行工作, 但也是在"股票投資市場打滾".


不理會面對多大困難都會"自己對自己"負責, 這就是做大事的基本性格特質...

子曰:「君子求諸己,小人求諸人。」(《論語‧衛靈公》)
共勉之!!




3 則留言:

  1. 很多人不是不知道自己需要改變,只是不肯去改變,就如明知要為未來儲蓄,卻又不捨得減少消費。

    回覆刪除