做個有錢人之路~ 2011/03/02

今天是2011/03/02, 距離 "起步" (2010/04/21) 已有10個月, 又是時候回顧我的 "有錢人之路"了. 我的財務現況:

~資產 ~

物業:

有兩層樓, 兩層都係細價樓: 一層自住, 一層收租; 總估值約 $440萬 (相對上一個月升左好多, 估值升左約20萬, 快過火箭…)


股票:

以2010/03/01收市價計,大約總值$25萬 :

股票簡評:

今個月股票入貨多左, 因為心儀已久的 1086好孩子被洗倉, 甚至可謂殺倉, 由高位一路跌, 到依家都未跌完, 我就話最好繼續跌, 佢一路跌我就一路入.

除此之外, 3818曾經跌過 $3 入貨水平, 又入了一轉;

另加新股 2317 味丹, 貪佢派息穩定, 我預佢每年都有 $0.25, 好景會派double息, 以現價計, 即是息率坐3.5% 望 7%, 呢隻又係一隻越跌越買之選;

除此以外, 開始左月供 2800 盈富基金, 因為本人太過 “好息”, 有時會失去與市場回報的平衡, 而盈富回報係追逐恆指回報, 即是差唔多係大藍籌回報. 所以對我增加組合的穩定性有幫助.

(已經入貨之後走左的, 由開blog以來賺左$22,270, (今個月write-off左一隻放在有錢太太acct的死股, 無左幾千蚊), 當"增加現金"計; 另外, 所有股息收入, 全部都當"增加現金"計) (因為我唔係要記錄投資賺蝕, 最重點係 "資產"的累積以及"被動收入"的增加)

現金約$35 萬 (加按之後多左現金)

~負債~
樓按: 大約$250萬
其他(私人貸款/信用卡/車按): 大約$3萬
(用左部份加按的錢來還了部份貸款, 以增加現金流和減少利息支出)

~淨資產~
($440+$25+$35)-($250+3)萬 = $247萬

對比"起步"時, 多左約$92萬 (起步時估值為$155萬), 即約59%, 主因樓價上升, 其他資產現價值基本不變. 只是每月都有累積而已. 樓價值由起步的360萬到今天的440萬, 多左80萬 (今個星期又升20萬, 唔知幾時會跌呢?). 相對起上來, 其他資產累積只有12萬增加.

~現金流~

加按之後, 做左一連串動作, 令每個月的現金流有改變:

供樓負擔: 雖然借多左, 但同時拉長還款期, 所以每個月反而少了 $1,500大元;

其他還貸負擔: 用加按的現金還了部份貸款, 每個月減少了 $4,500 大元; 但剩餘的貸款因為提早還錢無著數, 而其利息又低於3%, 不會增加太多風險, 不處理;

其他收入大致不變.

加按行動結束之後, 除了多左50幾萬現金之外, 每個月的現金流亦增加了 $6,000, 差不多是未加按之前的六成, 但同時負債總額對比未行動前多了約25%.