學習期權 (一)

之前有錢人講過, 開始對期權產生興趣, 在讀過幾本有關期權的書藉之後, 有錢人開始行動:

第一: 去證券公司開期貨acct; 之後先發現原來唔係間間公司有齊恆指期貨, 恆指期權, 股票期權. 而有些公司亦會收取月費, 有些不會收, 真係要遂間遂間問清楚. 淨係開戶一樣事情都已經跟股票投資有不少差別了; (記得找一些唔洗比月費, 佣金又低的公司, 因為手續費對我等散戶絕對是成敗關鍵)

第二: 上港交所認識現行的期權規則: 包括按金, 交收手續, 費用計算... 先投資, 後投資是十分緊原的 ~~~ 他們的個網站還有 "基本教學"; 有時間就多些上港交所網頁學習下, 好過對住本臉書交呆;

第三: 不停學習期貨期權的對沖以及賺錢的方法, 途徑包括每日不停睇blog, 睇報紙講有關期權的知識, 用證券行開了的戶口學習如何看買賣的操作, 自行模擬買賣.

由上個月開始到今個月, 有錢人用了一個月時間, 每日最少花費一個小時在這題目上學習. 有一些小總結 (日後再認識多點, 可能觀點有所不同):

1) 期貨期權是一種對沖工具, 要在當中賺小錢不難, 但要賺大錢就好很難; 何謂小錢? 我的定義是: 如果你只有一百萬資金做期貨, 平均每個月 1%-2% 盈餘是絕對可以的, 但如果你想平均每個月都有 2%以上的話呢... 風險指數很高呢; 又如果你的資金達到千萬計, 要賺那1%-2%以上一個月又會變得困難了...

2) 因為期權本身是有槓桿作用, 所以散戶不可以用過多資金部份投入, 如果市場因突發事件逆轉的話, 你的錢就會 "輕輕的來, 輕輕的去"...;

3) 由於期權分分鐘都在變動, 而且可以變得好快, 有心人一定要睇到實, 因為隨時隨地要轉對策做對沖減風險, 時間與心力也不可少, 對我來說偶爾玩玩或者用來賺下零用錢可以, 作為生活工具? 不是我杯茶 (還是股票投資才是長期令人安心的選擇);

4) 對於初學者來說, 恆指期權是較容易入手, 因為 1)參與者較多, 出入貨相對容易; 2)選擇多, 有錯價而賺錢機會亦多;

5) 雖然期貨期權都是衍生工具, 但與牛熊/ warrant 絕對不同, 前者是零和遊戲玩家對玩, 後者是同賭場對玩, 就好似你同自己屋企人朋友打麻雀同過澳門搏殺的分別一樣, 邊樣洗費高? 勝算高?