思捷不停跌 - 又有機會入貨了

自上一次寫思捷到現在已經有4個月, 當時股價 $41.8, 今天股價 $33.6. 前後下跌20%;

今天大跌主因是日本的大地震引發股市大跌, 作為近年股殘的思捷自然首當其衝, 不停被質, 現在更是不似人形了.

雖然日本不停有壞消息出現, 但究其後果對思捷影響又有多深呢? 有錢人相信, 這大跌只是有心人"做低它"的手段: 例如有公司出佈告調低目標價, 反手增持, 又或是相反操作, 甚至左手較高價沽貨, 右手低價入貨.

有錢人對思捷未來兩年預期:
2011: 每股盈利 $3.8 以上, 派息 $1.8 - $2.3 (比率45% - 60%)
2012: 每股盈利 $4.5 以上, 派息 $2.5 - $3.0 (比率55% - 656)

2012年度尾以股價計: $58.5 - $72

如以現價 $33.6 計, 回報超過80% (複利回報 超過35%).
所以, 有錢人已入了一轉, 希望其股價再跌多10% (即低過$30)可以再入多轉, 且我會愈跌愈買.

其實, 股票市場每年都有1-2次大跌市/ 較大技術性調 (今次是天災引發), 做好準備, 等候入貨.

還有其他公司股票亦已開始進入有錢人 "胃納", 到時再講.