學習期權 (二)

要學期權及期貨, 第一樣事情就一定要分清期權及期指的相似與分別:
簡單點說, 期指就是買賣雙方都是必買必賣的合約, 就好似我同你訂定合約, 一個月之後用 10蚊同你買一包糖, 無論到時糖的現價升到上一百蚊, 又或是跌到一蚊都好, 我都要幫你用10蛟買嫁喇.

期權就有點不同, 只是必賣合約, 不是必買, 但買方就要比期權金了. 即是我同你訂定合約, 比2蚊期權金你, 一個月之後可以用 10蚊同你買一包糖, , 無論到時糖的現價升到上一百蚊, 又或是跌到一蚊都好, 你都要用10蛟賣比我, 但我可以選擇唔買. 咁咩時候我會唔買? 到期時的糖價跌低過10蚊就唔買了, 外面都有更平的, 點解仲要買貴貨?

由於期權涉及 "期權金", 而且仲有 "莊家制", 所以, 少量錯價的機會時有發生, 這亦是老散賺錢的機會. 但期指就沒有這兩個原素, 所以對散戶來講, 期指好多時都係賭錢工具多於對沖工具, 也因此, 輸身家的情況亦常出現於期指身上.

但有一點要特別注意, 因為在香港, 期權同期指都是歐式合約, 即是只可以在到期日時才可以行使, 所以, 如果你在途中想離場, 是一定要找到人幫你 "頂"的; 否則, 就一定要去到到期日先可以埋單. 而呢點就係真正 "風險"所在, 市場是可以急速上升或者下跌的, 在如此情況下, 你的合約價, 帳面盈利及虧損也會跟隨急速變化, 如果資金/ 按金不足, 是有機會被 "打把"的. 這亦是有錢人一路都講, 要在此賺零用錢容易, 賺大錢的話風險就好高.

當然, 如果你一直只做期權的買家, 不做賣家, 你每次最多都係蝕晒所有期權金, 不會輸身家, 但這種做法只是等同於有限度地賭錢, 不是甚麼對沖, 也不是投資.

如果想認識多點期權及期貨, 網上有很多免費資源, 不用比幾千蚊出去上堂的. 但我的建議是, 在你未開始實戰之前:

1. 睇過 5 本關於期貨/ 期指/ 期權的書;
2. 睇過 5 個相關的網站或網誌, 學習他人如何在 "期"海生存 (港交所網站是必去的, 不計算)之前;
3. 只是去開戶好了, 但要忍手, 不要做買賣, 因為開戶之後你可以登入學睇價位;
4. 做模擬買賣, 最少一個月, 因為每一個結算期都是一個月, 雖然, 你有機會賺少了, 但你會有更大機會發現自己原來是蝕少了;