e = 年終派息; h = 半年派息; q = 季度派息
跟據往績, 一年入面有八個月有息收, 而其中又以6月最和味, 因為有四間公司派末期終息, 十月就有五間公司派中期息. 但一月, 二月, 七月同十一月就要食穀種. 想呢幾個月唔食殼種就要買埋匯控, 因為5號仔習慣一月, 五月, 七月同十月有息派, 咁就差唔多幫足晒啲窿窿喇;
但當然, 你比我選, 我都係會選買樓收租好過買股收息啦, 因為可以用三成首期槓桿控制十足樓價, 然後租出, 最重要是出租價一定做到高於供樓價, 做成正現金流 ~ 即使年期再長也沒所謂, 只要不停有正現金流, 就可以不停儲蓄再投入;
很快就一變二, 二變四, 四變八, 八變十六..... 但個人計算, 由一變二是要較長時間, 一般最少要四五年, 之後二變到四又最少要四五年, 之後又用四五年四變八, 又四五年八變十六... 就係咁, 用二十年時間一變十六 ~ 由廿幾歲捱到四十來歲, 可以休哉游哉退休了.
.JPG)
你呢個方法以前我第一年沾手股票已諗過, 不過認真分析完個實際情況後, 係完全冇可能做到, 有兩點:
回覆刪除1. 股息發放前半個月至一個月, 股價已係連息後的價位, 現價買入在除凈後計算買賣手續費同股息, 按投機金額可能冇賺之餘兼倒蝕.(呢種我叫股息投機)
2. 如果唔想有上述影響, 可採分散式股息投資, 但由於要達到每月有息收, 就要作12門分散, 雖然呢種做法可以抵消市場上落做成o既影響, 但缺點係初期投資金額龐大, 唔係一般升斗能負擔, 投資金額過少, 利息可能只得數百, 有如雞肋.
對,技資回報率,現金流,穩定性都是投資要注意的事項,沒有一個方法可以要晒,否則,大家都係巴菲特了. 所以我地投資之前, 首先要了解自己,搵自己最熟又最有興趣的項深入研究
回覆刪除我見你對阿里爸爸的投資項目誤判, 再加上呢一則, 兼你又在學期權... 我建議你先攻一樣, 雖然期權我係只知理論, 因操作過於繁複, 從來冇沾手過, 我只鍾情最簡單的股票, 期貨, 商品, 企業買賣交易, 呢四樣已夠用有突.
回覆刪除其實要深究股票, 已夠你受, 唔同行業o既分析已經各自不同, 唔可以單憑一o的共同數據就作出投資決定, 投資企業同股票, 唔係數字遊戲, 如果你對該行業甚至該公司o既運作唔係瞭如指掌, 即使你跟從市面上的價值投資法去揀股, 個風險都係比唔用o既低少少, 盈利率亦唔高. 正如你所講, 如果咁簡單, 就人人都係畢菲特啦!
我亦睇過你每月結算, 按投資股票上的回報率, 恕我得罪講句. 比我覺得唔進取o既學生o既年增率47%, 佢朋友o既27%還低得很. 你初期投資額為15萬, 但你按月加大投資額, 卻忽視同期回報率, 即ROA你係屬於效率不足. 至本月投資總值達40萬, 盈利卻只有2萬多, 即粗略的整體回報率少於10%. 你... 有冇留意過?
在股票上可以俾三點你思考:
1. 你對現有投資中o既公司有幾了解?
2. 你有冇諗過你有過度分散o既風險?
3. 你覺得你現在股票持有清單中, 除o左真的分散o左盈利外, 真的分散了風險麼?
俾多兩項Tips俾你:
回覆刪除1. 分析股票同企業, 從企業家角度睇.(妖股除外)
2. 期權則用數學家角度去思考如何操作.(我就與此無緣)
例子: 我有個朋友, 在期權上可以在月內賺數百至1000萬,(唔係月賺, 佢有正職) 但股票上同C9成績差唔多, 理由係上面所講, 佢欠(1)有(2).
TO 匿名: 首先多謝你的意見, 我想你有少少誤會了我的每月結算: 其實入面所講的 "賺左$21,895" 係講緊買入又已賣出的股票,不是持有中的股票;另外,我的月結重點是整體資產累積,不是個別項目或股票的賺蝕;
回覆刪除