有錢人之所有廣告收入, 將全數捐予慈善團體

2011年11月9日

甚麼是逢低必買?

投資人很多時都會聽到:  "逄低必買""低買高賣"等說話, 但是, 為何要 "逄低"才"必買"? 會不會"越溝越低"呢?

如何的價位才是 "低", 怎樣才算是"高", 對不同的人就有不同的體會



價值投資者會話, 我用一蚊價錢買超過一蚊嘢就算 "平"; 這個對嗎? 理論上無錯, 但係唔知幾時啱.

就以匯豐為例子, 在幾年前佢老哥金融海嘯前百幾銀無集資, 金融海融海嘯之後一段時間, 股價跌到失魂時先來個"世紀低價供股", 如果你2009年頭以$60 買了匯豐, 以當時的公司估值來說都不是高價了吧... 但之後兩個月就一路跌, 跌到去$33水平.... 在其間, 你會覺得自己在 "執平貨" 定 "買貴嘢"呢? 以現在股價比較, 事後孔明咁講, 就緊係執平貨啦...

再來一個例子, 330 思捷 (有錢人都買過), 如果你$40蚊買, 到依家只剩下 $10多啲, 其間你又會點睇... 呢個例子, 以現在股價比較, 事後孔明咁講, 就變得買貴嘢了... (可能佢的"180億品牌策成功",令佢升返轉頭, 咁咪又係另一個"執平貨"的例子囉)

所以, 無論"執平貨" 定 "買貴嘢", 都最好比個時限佢, 否則, 就會好似一啲純情男女咁, 人地都已經有第二個唔要你, 仲同人地講 "我會等你嫁...", 最慘就係, 講完仲真係"等"喎... 人生有幾多個十年呀, 我地有幾多個十萬呀...

= = = = = = = = = = = =

講左咁耐, 即係點先叫平, 點先叫貴呢, 有錢人有以下簡單分析:

用最少五年 (最好多啲, 有十年或以上最好), 比較每日的股價與息率, 拎一個平均數, 高過佢就係平, 低過佢就係貴. 其中的最佳例子, 就係2800 盈富基金.  息率高過3%就算 "平", 低過2.5%就算 "貴";

如果公司無咁耐歷史, 又無咁耐派息紀錄呢? 咁就斷估成份高好多了... 所以話, 唔係專業人仕, 唔好把大部份資金放在 "當炒股", "增長股"... 因為股市升跌無人能預測.

樓價平貴的睇法都係一樣, 計一計租金回報率就會到你所買嘅樓是平定貴.

4 則留言:

  1. 近日都有好多低迷優質股, 坐下艇又執下好野。

    回覆刪除
  2. 市面大量平價質優股,只恨本金太少

    回覆刪除
  3. 戒急用忍, 投資是對心理的挑戰多於對理性的挑戰.

    記憶入面, 賺得最多的都是"慢慢地"買入的資產, 而剛剛相反, 輸得最金的就是 "執輸行頭慘過敗家"的貨...

    回覆刪除
  4. “在其間, 你會覺得自己在 "執平貨" 定 "買貴嘢"呢? 以現在股價比較, 事後孔明咁講, 就緊係執平貨啦...”
    "用最少五年 (最好多啲, 有十年或以上最好), 比較每日的股價與息率, 拎一個平均數, 高過佢就係平, 低過佢就係貴."

    傻架,公司估值有得計架,有d長期高於估值,有d長期底於估值。唔好話我唔話‘正’你。你要多學習(睇好書)先做到有錢人啊。

    回覆刪除