相見好, 同住難 ~ KM的故事

人生好多時有好多選擇, 大家有時會選擇得好, 但有時又會選錯了, 但無論對與錯, 我們都要面對, 反省, 從新思考, 再選擇, 行動.....


朋友 KM 跟有錢人年幾相若, 她早兩年結婚, 有份穩定職業, KM 兩公婆公一份婆一份本來都好地地, 兩個人同埋家婆一齊住, 未有小朋友前都尚算相處融洽, 但有了第一胎之後, 情況已經有所改變, 因為家婆原本都說"願意"幫助照顧小孩, 但家婆始終不是喜歡也不是善於帶小孩的人, 所
以其間 KM兩夫婦與家婆都為照顧小孩方面互有微言。

因為"唔安全", KM 好快又有了第二胎 (正正就係一年抱兩的好例子, 有氣有力 ~ 好!!), 由於身體關係, 再加上家婆的照顧並不如KM兩公婆所想的做法, KM最後決定辭職，做幾年全職媽媽，　待兩個小朋友大一點才出來工作。

這就是故事的關鍵了, 沒有工作的KM, 時常都要留在家中照顧小孩, 雖說不用帶小孩的家婆輕鬆了, 可以到處玩姐, 但留在家的時間始終不少, 三代人同處一室, 磨擦自然增加, 尤其是在 "照顧"與"教肓"之間, 老人家跟我們的思想係完全唔同的嘛... 就這樣, 兩婆媳就開始經常有有更多磨擦了...

KM問我, 佢地應否搬出來住...我第一句就說 "應該", 但要考慮下面幾個問題:

1. 佢要搬出來, 小朋友邊個帶?? (繼續自己湊? 找全日托兒所服務?)
2. 搬了出來一闊三大, 經濟如何負擔? (KM重出江湖搵工做?)

然而, 我跟她說, 上述的問題都是其次, 更重要的考慮是:

"作為父母, 我們必定要為孩子有更好的成長空間而努力!!"

以她現時的生活, 她兩公婆跟家婆的關係, 不能令她們快樂, 沒有快樂的家人, 根本提供不到'好的成長空間"給小孩, 所以, 就算搬出來住的初段時間, 財務上是拮据一點, 也是必要經過的. 這樣, 對KM、KM老公以至KM家婆及小孩都有好處.

= = = = = = = = =
事後孔明地講, 願意跟家婆同住的決定本來就是錯 (KM一直都反對同家婆同住), 放棄工作全職照顧小孩也是錯的 (她本來可以交給自己媽媽照顧加交給全日扎托兒服務).... 但這一切都過去了, 現在最重要是為未來的日子考慮, 思考, 行動.

跟我傾談完之後, KM似乎有所啟發, 雖說現在搬遷對其財務計劃有所打擾, 但如果對其家人身心有所幫助, 改變的痛苦 (經濟上)是要接受的.

希望KM今次能做一個正確的決定, 改善生活.