小孩的投資 (二)

上一篇文章小孩的投資 (一) 講及, 原來在香港養育一個孩子, 大約需要百幾萬. 當然, 我的計算裡沒有住屋支出, 但小孩一般跟父母同住, 就當他是"租"了一個床位, 收$2000/ MTH, 22年就是$528,000, 加埋洗在他身上的百三萬都係180萬左右姐.

如果要洗到四百萬, 其實已經係豪養了....


根據上篇文章分開的幾個階段, 每個階段的 "平均月費"如下:

未出世: tot $13,500, 平均每月約 $1,500
0-2歲 (幼兒): tot $83,700, 平均每月約 $3,500
2-5 歲 (幼稚園): tot $234,000, 平均每月約 $4,800
6-11歲 (小學): tot $241,200, 平均每月約 $3,350
12-17歲 (中學): tot $317,400, 平均每月約 $4,400
18-22歲 (大學): tot $344,000, 平均每月約 $7,200

如果大家是 "豪養"的話, 就自行每個月加多$5,000-$6,000上去吧.

其實, 一般家庭要養一個小朋友確實不是太貴. 如果大家有創意有心有力, 從幼稚園至中學可以扣去娛樂雜費每個月差不多千幾二千元, , 即是, 基本生活費只是千零兩千. 只不過, 現在大多數的家長都很會比較, 其他人有去學XXX喎.... 其實, 小朋友最好的朋友及老師就是家長, 但大家又有無經常比時間啲仔女, 又有無為仔女改正自己的壞習慣? 再者, 又有無為小孩想過他日後將會如何?

= = = = = = = = = = =

回說這個對小孩的"投資額", 當然作為父母又一定唔會話諗乜鬼回報自己呀, 養兒防老之類嫁嘞, 但唔代表我地唔應該去諗 "投資額"與 "回報"的關係, 尤其係對代一啲 "衰仔".


如果大家係大把身家未開頭, 洗幾百萬都係濕濕碎, 當跌左無所謂就緊係唔洗講. 但我相信大部份人都唔係呢個富豪級別, 所以一定要講清楚, 計清楚...

就以讀書為例子, 好多家庭諗住. 在香港升唔到, 有乜唔掂送子留學就應有所成, 但衰仔一旦出國就無尾飛駝, 更加無皇管添, 最終書讀唔成錢洗晒. 此等故事身邊多的是也. 如是者, 有錢人覺得, 最好與之訂立協議, 訂定最高 "投資額", 以及對子女有甚麼要求, 然後嚴格遵守. 最重要的一項是, 這個投資額一定要係子女建議的, 當然一定要合情合理, 這樣才能顯示其對自己的事自己負責任!!

對代所有自己的事都負責任的孩子, "投資"在他身上就有個保障!!