超級即日鮮孖展

原來, 玩股票期權, 仲可以現埋超級 "0"底押孖展... 真係好玩過過山車!!!



有錢人的九月倉做了一次很可怕的事情, 就係唔記得平返價內 $85.0 SC, 即是說, 我要在T+1, 即是 09/28 15:15之前準備定所有股票在戶口內, 比股票行在 T+2 (即是10/03)交收.... 咁樣會引發甚麼事??

首先, 有錢人所做的 SC全部都係naked option, 即是有錢人係無股票在手的, 一般來講, naked option SC都應該要在結算之前平倉埋單, 以避免相關手續費及風險, 但有錢人琴日太忙無時間睇市, 也唔記得落定平倉盤, 直到收到結算電郵先知道大事不妙.....

根據股票行有關期權的行使須知:
"若客戶所沽出的認購期權(Short Call)被行使，客人需於T+2交收股票。沒有股票抵押之客戶，必須在T+1的下午 3:15 前補購相關正股。本公司有權因應市場狀況於任何時段替客戶以市價買入正股以作股票交收，而毋需事先通知，而客戶需負責所有相關費用。 "

而那條"賣股"的金額就會一早入定去我的股票戶口, 即是, 理論上我係做緊無貨沽空.... 問題係, 我有幾十張合約, 戶口欠成百萬有多.....孖展戶口最多都係10倍姐, 而我這次期權行使, 竟然係可以在等同 "0"資金底下控制過百萬資產.....

其實, 我最終的成交價也只是昨日的收市價低少少而已, 但就蝕了來回手續費 ~~ 成千幾錢 , 本來可以慳返, 又跌錢, 好心痛 :-( . 幸好, 9月份仍是正數.