上年差唔多時間, 有錢人搬進現住樓 (5年內細屋搬大屋 (一) / 5年內細屋搬大屋 (二) ), 跟住年尾再賣埋收租樓 (賣出放租樓A ), 到依家樓價都只有升沒有跌, 只是成交越來越跌, 而且情況一如當時湯文亮先生預言~~~~ 在辣招之下, 供應得出來的物業, 個價錢會越來越高, 越來越硬, 但成交量亦越來越低, 但真正會買的人會慢慢適應..... 真係一語成箴.
雖然, 在此期間有錢人沒有再在樓市有所行動, 只是靜觀其變, 但是近月先見朋友(LC)買得好嘢自住之後, 再有朋友 (BM)買得荀盤, 於是打比相熟AGENT問, 有無荀盤在有錢人現住屋企附近, AGENT話, 荀盤就未見有嘞, 但都有幾個盤可以睇下望下, 睇下有錢人有無興趣諗下傾下咁囉.
有盤睇就緊係去睇啦, 只有空談不行動是不會成功的, 話唔定執到寶呢.... 睇過同一屋苑的幾個不同單位, AGENT都只可以講, 拎個概念先囉, 有荀盤先叫有錢人再睇.
感覺上, 依家個樓市係人求盤, 不是盤求人, 所以唔會有好多荀盤, 就算是令人感到 "舒服價"的樓盤也不易找. 但係咁講, 自住的話, 很多的樓盤是不錯的, 而且供款負擔也不會很高. 又是李嘉誠那一句 : "自住樓幾時買都啱"
.JPG)
雜談
1 天前
上屆同今屆政府都話控制需求，但係二手樓市的需求同供應係同一個源頭，而家個樓市都唔知似乜，睇下要搞到幾時。
回覆刪除止凡兄所言甚是, 依家對於樓市投資來講, 就是一個等字, 再來就是要忍
刪除個人認為，E家買港樓自住還可以，投資就5好了。不是因為3d棘焦，而係租金回報太低。如樓價向一調整一成，要收幾年租先補番。何必為左一張10元鈔票而衝出高速公路執呢？
回覆刪除把眼光放遠 d, 世界大把平野。有機再談
依家呢個時候有咁多"方法"想啲樓價調整或是減慢上升步伐,最終是一定會成功的,只是不知是何時最後一根稻草會出現,所以以投資角度去睇依家樓市,是不應該有太進取的行動.但保持與市場接觸及與業內人仕接觸就幾時都無問題
刪除