1398 工行 _2010/11/03

今次是有錢人第一次寫工行:


有錢人睇內銀股, 會睇幾樣嘢:
1) 股東權益回報率(ROE)

2) 淨利息收益率(NIM)

3) 資本充足率;

比較三間國有銀行(我唔睇農行, 因為在香港太新了, 未知阿爺想點, 唔識睇)
ROE 同 NIM一向都係 建行(939)同工行 (1398)比中行(3988)好, 而建行比工行好DD, 但資本充足率一向都係工行比建行好, 已且不良貸款率一向都係工行最低. 即是話, 雖然工行唔係最進取的銀行, 但勝在平平穩穩.

另外, 我亦有到過佢地的BRANCH (香港及國內都有) 參觀又打過去佢地個HOTLINE, 感受上都係工行較好 (感覺係好個人), 我覺得工行員工親切過其他兩間BANK, 佢地對有錢人的問題好少表現唔知點答, 唔耐煩, 就算唔識答都會搵人幫手.

再加上, 工行是三間銀行之中, 最願意"走出去"的一間 ~~ 即除國內銀行發展之外, 也會到國外發展銀行業務 - 重要係, 繼續佢"安穩"的做銀行業務傳統, 我相信, 慢慢佢會跑得更快, 尤其當一個一個浪出現之後, "實力"就會展現.

如果要我排, 我會排 1)工行; 2) 建行; 3) 中行.

名基金經濟 Peter Lynch 講到, 如果連你自己同你老婆都鍾意幫襯的公司, 咁你買呢間公司的股票就死極有個譜 (而且, 通常都係大賺). 之前, 我在選擇"卓越"(653)及莎莎(178)之間已經深深明白呢個事實 ~~

由於長期看脹, 但我又無咁多現金, 所以, 我依家只會做月供 "工行", 慢慢儲貨, 以其股息再投入, 坐順風之大船, 以逸代勞. 如果你同我一樣, 以"做個有錢人"為目標, 但依家當然未係住的時候, 月供 股票 絕對係一個良好選擇. 但首先, 你當然要有"心儀對象"!