有錢人之所有廣告收入, 將全數捐予慈善團體

2010年11月9日

宏利第三季業績出左 股價即彈

yahoo 新聞:
宏利(0945.HK)(0945.HK - 新聞 - 公司資料)公布9月止第三季業績,錄得虧損9.47億加元(折合約73億港元),較去年同期多蝕7.75億加元,但較第二季巨額虧損23.7億加元收窄。每股派息0.13加元。


本年8月尾至九月, 有錢人已經入左兩轉宏行, 一轉在$100以下, 一轉在$90以下 , 平均成本 $94. 本來諗住隻股仲有得一年半載衰衰地咁橫行嫁嘛, 等我儲下錢再入多轉, 點知.... 老美一個QE2即時推升左成個市, 連比人睇低幾線的宏利都跟住上, 再加上第三季業又話"唔錯"喎...今日收市 $114.7

講返宏利業績, 有錢人於2010/08/13第一次寫都話佢會一兩年之內起碼去返 $170 - $180水平, 到依家呢個預測都係無變. 睇埋佢今季業績, 我對呢個預期就更加有信心, 因為佢今次的"虧損"內容, 對比早幾段時間的內容更加唔係"錢", 點解? 自己睇下佢個年報就自然明白 ~ 提示: "撥備"與 "商譽".

對宏利信心不變, 預測不變, 去到 2012/08/13之時, 股價起碼有$170 - $180, 而公司股息將回復至2008水平.  咁講, 有錢人即是在此股已經做到平均每年 35%複行增長, 達標 (我目標是整體資金每年複行增長10%-15%), yeah!!!

沒有留言:

發佈留言