超低"強迫金"回報?!?!

最近, 有錢人終於覺悟了, 原來自己的平均投資回報期望 (10% -15%) , 可以輕鬆從 2800盈富基金做得到, 之後, 咁啱收到自己的強迫金年報, 認認真真的再計一計, 真係唔睇由自可, 一睇把幾火...
話說小弟自開始投入社會工作以來, 就開始供呢個 "強迫金", 前後都有十年之久, 到最近看看自己的 "退休金"表現 ~ 截至 2011/06/30,  總回報竟然是差得可憐的15%. 你無睇錯, 我無打錯, 真係得15%; 十年以來只有15%總回報. 如果以平均回報率計, 只有大約4%, 而且我已經選擇了所謂最高風險最高回報的 "恆指基金", 都只是15%而已...

低回報的兇手:

1. 手續費: 頭幾年的管理費, 竟高達3% - 4% 之巨, 一年先賺得嗰幾個%, 當中仲要被抽3% - 4%的管理費?! 想真正有錢賺都難啦... 雖然, 近年這所謂的管理費調整了, 但也要2%.... 一個有十萬銀的強迫金戶口, 就要抽超過$2,000的管理費....即是說強迫我地比錢銀行基佬玩, 每十萬抽$2,000佣, 有錢賺有得抽更多.....蝕左就無事.....仲強迫我地個個月都要加大額度比佢玩.....好過去搶啦!!!

2. 基金分佈: 有錢人喺唔同時段, 都不變地將大部份強迫金資本放晒入去恆指基金, 所以跌市時, 又要比管理費, 又要跌價, 仲要強迫每月入錢去蝕....真係三重打擊; 睇返基金的組成部份, 根本就係 2800 盈富基金一樣咁滯....; 你話有無可能如佢所講, 十年升左六成鴉?!?! 2000年12月, 恆指萬五點, 2011年9月, 恆指萬八點...


由於香港所有打工仔都一定要有"強迫金", 根本就係強姦我地嘅投資自由, 雖然原意是好, 但政府的政策結果卻是所有回報歸於金融機構 (以管理費形式收取),  打工仔得到的就只是 "強迫儲蓄"的份兒, 完全沒有增值成份.... 對付第一兇手, 有錢人係絕對無能為力的, 就連"強迫金"自由行都得個講字, 法例如此...只有嘆句 "WTF"!!!


要對付第二兇手, 增加回報的方法就有如我的盈富基金計劃: 當盈富基金回報少於2.5厘時, 將部份"恆指基金"轉成 "保守基金", 厘數越低, 轉陣比例越大 (保守基金是現金同港元債券一半半地做的); 當厘數回升時就相反操作...

依據過往的基金價格資料估算, 回報率大概能夠比現在優勝一倍 ~~ 即是大約平均7%一年.

= = = = = = = = = = =

另外 日後我在股票市場上的資產配置與及未來的資金投入都會作出相應調整 (有些在之前的文章都有提過):
1. 進一步加大 2800盈富基金及相關之備用現金的比例; (目標為50%-60%股票投資之總投資額)
2. 進一步加大藍籌股及相關之備用現金的比例; (目標為30%-40%股票投資之總投資額)
3. 減少 2-3線股之投資額度, 當中分開 "收息類" 及 "增長類"兩個群組, 額度相近; (目標為10%-20%股票投資之總投資額)