2011 樓市見頂

唔記得上年 (2010) 定今年年頭, 有發展商老闆講過 "咁多年都未試過同一時有咁多利好因素".
~~~ 上年有低利率, 低失業率, 有流動性, 不同地區的基建先後上馬, 有大陸資金.....

但是, 在有錢人眼球之中, 卻是剛剛相反的圖晝:
銀行低息策略完結 (已做夠數或有更好出路);
失業率低但人工不能再加 (經濟無乜增長);
流動性減低 (美債,歐債, 乜債物債危機加大);
大陸收水, 內地 "有民間大耳窿"竟可輕易放出 30%-50%利率的是債...可見大陸幾渴水;

以上幾項都是一環扣一環, 效果慢慢出現, 加上上年年尾的政府出招SSD 趕絕短炒炒家, 令到依家的買樓市場幾乎清一色用家, 沒有炒家, 也鮮有投資者....

君不見報紙報道的特色單位天價買賣越來越多?! 甚麼市價不市價? 有買有賣才是市場; 這類報道越多, 絕對是見頂警號.

然而樓市又會否大跌? 應該不會了....還看未來1,2年, 雖說利率回升, 但港元依然會跟住美元走, 除非銀行信貸崩盤, 利率先會狂升, 否則有錢人預期也最多只是會升至2-3厘, 即是每一百萬, 一年比多兩三萬利息, 即是一個月兩三千, 不是太重的壓力, 例如一層2百萬樓, 做7成按, 一個月都要比多3-4千... 如此類推. 只要唔係無端端被人炒魷, 一般無甚麼問題.
沒有太大供款壓力 --> 沒有賤價賣樓的壓力-->樓市抗跌的最大承托.

有錢人的睇法, 樓市短期見頂, 但回落空間不太大, 頂多10%-15%, 還要看個別地區才有此跌幅.