有錢人之所有廣告收入, 將全數捐予慈善團體

2012年2月4日

有錢人期權倉 - 2012/02/01

事先聲明, 有錢人呢個期權倉係真實倉, 但就唔係用嚟自製ACCUMULATOR同DECCUMULATOR 的. 純粹係要以錢搵錢, 以戰養戰, 沒有感情, 賺期權金的時間值, 一到價就會蝕住走.



呢期有錢人只集中做中移動的SC 同 SP, 基本上最有機會蝕讓的是2月份$80 SC, 只要股價高於 $81, 我不會承受比行使價高1.5%時候的接貨/賣貨風險, 我就會蝕住走, 然後做返套 $82.5 SC 或者 $85.0 SC; 對於3月的$80 SC 操作亦一樣;

(看來下星期最有可能會出現呢個情況, 如果股價 "捱得過" 下個星期都唔升穿 $80.0, 預期就會一直回落.)

另外想講講我這個倉的設計方法, 其實不會日日都出出入入, 通常會係每個月尾或月頭就一次過做晒嘢 ~~~ 對於呢隻中移動, 我是較有信心佢係 "不動明王", 所以, 我只會主力做現價有兩個價位距離 (而非15%BUFFER) 的 SP 及 SC, 然後再買入更大量的更價外的 SP及 SC. 就好似上面一樣, 一月尾去過 $75水平, 我就做 $70 SP, $67.5 SP, 以及 $80 SC 及 $82.5 SC, 因為升得多, 所以我又加碼做埋 $87.5 SC; 在現金的保留方面, 只要有能力當股價上升時可以"複製做法, 已經等於有20%-30%股價的BUFFER, 所以唔會怕因為按金問題要"斬倉"

至於月份的選擇, 我主要會做即月同隔月, 雖然在權金價格來講, 較遠期會高啲, 但在回報率來講, 其實大家差唔多, 除非真係好好回報率 (超價外再加平均每個月回報高於5%啦, 否則很少考慮)

我這個期權系統並不是萬無一失的, 但對我來講是較容易控制, 而回報又比較高.

有一樣嘢要記住, 股票期權等都是有槓桿作用的衍生工具, 其最大風險在於會於突變市況下對現金流的需求(按金)變大.... 所以, 投機於此不可以用救命錢, 只可以用多餘錢, 而且仲要計好有安全邊際先好參與, 否則, 好容易會車毀人亡....

沒有留言:

發佈留言