股票期權 ~ 有錢人的選擇

在經過差不多一年的時間學習, 分析, 參與, 失敗, 交學費之後, 有錢人開始掌握到自己在期貨期權方面的興趣 ~~  就是股票期權. 為何我會有此選擇? 因為我喜歡做莊, 也喜歡有"嘢"揸手.


股票期權同指數期權最大的不同處, 在於波動性, 指數期權的波動可以因為外在環境而變得極大,  恆指一個月之內上落幾千點比比皆是, 所以可以好刺激, 有錢人就試過了, 最後當然無好結果啦, 試過用不同方法計算及進行, 雖然分析及做法是有用及可行, 但其間的波動以及心理壓也不是太好受.

相對起指數期權, 在股票期權的操作之中, 感覺上就踏實些, 可能因為有得 "買貨"的關係吧, 而且, 在往續紀錄的分析之中, 股票期權的得勝率比起指數期權高, 有錢人的"恆指期權必勝法" 雖然長期而言回報率高於股票期權, 但其波動性也高於股票期權, 以有錢人的心理素質以及現金實力, 真係有點吃不消.

舉個例子, 這是一個遠期期權的例子, 2011年4月, 日本海嘯之後, 恆指試過24,000點樓上, 如果做了一張2011年12月18,000點的SHORT-PUT可以收到200點至300點權金, 諗住有6,000點BUFFER 無事吧....但去到10月, 恆指一度跌到得返17,000點以下, 就算以點數計都蝕了千多點了, 細期一點 $10, 大期一點$50, 1000點就是半份按金了, 如加埋期權金的BUFFER, 即是半年之內的波動是超過按金的一半, 如果你有 "膽", 有"錢"等 ~~~, 到結算時, 指數 18,XXX 點, 權金袋袋平安, 但也只是賺那可憐的 100-200點而且, 如果無膽或無錢等....無論甚麼時候平都要蝕到爆....  本人認為賺埋賺埋唔夠買驚風散;

同時期的股票期權又如何?? 就以941為例子吧, 2011年4月頭, 股價約為$70, 就算是做 12月SP $65, 期權金大約收$1000, 按金大約$4000-$4500, 之後雖然股價有升有跌, 但從未跌低過 $67.5, 即是連一個期權價位都未跌破過...一路都是贏住去, 正到12月結算, 權金袋袋平安....

比較之下,
恆指期權: 25% BUFFER (6000/ 24000), 回報率約10%-15%;
股票期權: 7% BUFFER (65/ 70), 回報都只係22% - 25%

股票期權波動較少, 令人更放心. (但要做功課, 找那些不動股, 點穴股最好)!!

另外, 以有錢人的經驗, 股票期權唔洗識咁多隻股票, 集中研究三兩隻, 最多不多於五隻好了, 反正都係借時間幫自己搵錢, 不是買入長揸做股東, 唔洗分散投資. 我就係以中移動、工行為主, 盈富基金、中人壽為次地研究及操作.

在未來, 我希望可以記錄自己持有的期權倉及操作方法.

但有一樣是, 大家要好清楚現在講的 ~~~ 是投機, 不是投資!! 相對來講, 回報的波動一般會比投資高. 而且, 買賣的決定一定要在自己手, 唔好人玩你玩,又唔做功課, 蝕錢都無得怨...

共勉之.