有錢人之所有廣告收入, 將全數捐予慈善團體

2012年4月7日

上車盤的買樓準備 (一)

身邊不少年輕人, 當有錢人問他們想不想買樓, 他們都會答 : "想, 但依家啲樓好貴, 買唔起"

然後, 有錢人問他們, 你想買甚麼樓? 新樓定舊樓? 在邊一區? 幾大SIZE? ...... O, 原來一概不知, 全部沒有想過, 有錢人再問, 咁你又知唔知買樓嘅程序係點嫁? 幾時要比甚麼錢? 當然又是一個個無知的眼神.

有太多人 (包括我自己) 都會有很多 想法, 夢想, 但大部份的人都不能夠達成夢想, 那怕只是小小的一個買樓夢。不是有錢人大口氣, 但我卻認為買樓都只是我們生活的一部份, 只要準備功夫足夠就可以做得好, 現在又同大家計計數。

如果以一個年輕人來講, 買新界的上車盤會較為容易吧, 以現價計上車盤 (10-20年樓, 約500呎)都是200萬左右有交易, 做九成按揭, 首期一成, 即是20萬. 加埋經紀佣金2萬, 律師及雜費 1萬; 即是23萬攪掂. 不要說裝修費, 因為豐儉由人, 有錢人當年上車, 自己做油油, 全屋本身無穿無爛, 家私電器買最平, 甚至上手業主剩下或二手的, 加加埋埋都係兩萬多少少有找, 已經是簡約美觀又舒適的屋企, 洗費如下:

全屋兩房一廳牆身油/ 門油: $7000; 床連床褥: $3500; 衣櫃: $3000; 窗台櫃: $1500; 三桶衣櫃: $1000; 鞋櫃: $1200; 電視矮櫃: $1000; 梳化: $2500; 書枱: $800; 書架x2: $600;
電視、書櫃、洗衣機、冷氣機、煮食爐、熱水爐: 最貴的電器全都是免費的二手/ 上手貨;
廁所廚房裝修全部仲用得唔攪, 又慳一筆.

二手嘢雖然舊, 但仍可以用就繼續用: 電視還是火箭炮大牛龜, 在九成九家庭都已經是LCD 電視的時候, 我仍然用緊大牛龜; 洗衣機是有少少壞, 有時會漏水的, 其他運作正常. 只要過到自己心裡那一關 "唔得, 呀邊舍邊個都咩咩咩啦.", 人的生活是可以節儉很多的.

埋單計數 $22100, 就算加埋上述電器要全部新買, 都只是多二三萬, 已經平過很多朋友的裝修費了. 有錢就有有錢的洗法, 無錢就以無錢的洗法令到自己有個安樂窩吧, 舒服 ~ 是由心出法的.

= = = = = = =
計埋通脹, 當現在就要洗7萬元裝修加家具電器吧. 連到首期雜費, 全部就是$30萬. 年青人點樣儲到$30萬? (下期待續)

6 則留言:

  1. 九成按揭要按揭保險嗎?

    回覆刪除
  2. 有錢兄,10-20 年樓可以做到九成按揭嗎?
    例如銀行做倒5成,按保可做4成嗎?

    回覆刪除
  3. 做唔做到九成按揭一般與樓齡無關係, 因為做多過7成按揭就要同MC買按揭保險,MC 批唔批係睇你層樓係咪自住, 如果係你的第一層物業,而你個FILE又唔花的話,一般都會批.

    通常你同銀行講想做多過7成按揭, 佢地已經會幫你計埋保費.

    回覆刪除
  4. Thanks 有錢兄,本人是剛做了四年野的80後,看完你的文章後有很大啟發,工作到第四年人工有點兒躍進, 現有現金7皮,扣除老母家用及自已洗費,每月大概儲倒17k, 希望年底可以achieve倒20萬,睇下可唔可以買倒層 2mil 內的樓,唔知有錢兄有冇提議邊區比較值得留意呢?小弟想花at least 半年時間做research ,到時有資金時睇下有冇機會入巿。多謝你有錢兄。

    回覆刪除
  5. 每個人的處境及想買樓的原因都唔同,你工作了四年,現金儲備7萬元,而每個月儲17K,到年底應該儲到20萬現金,選擇200萬內的樓是合適的 (做9成按揭),.以現時樓價睇,大概都係新界西北地區了, 如果諗住長住又想地方大點,去元朗或天水圍,有一些10-20年的屋苑,價格還是200萬附近.否則,個人建議你可以先睇鐵路站附近的樓,第時唔住,想放租或放賣都容易啲.

    但要注意供款方面, 記得唔好為左盡快供滿而令自己供得太盡太辛苦,否則加息的話會好痛苦.

    意見供你參考

    回覆刪除