現在買樓的供樓負擔

+x哥經常都同大家講, 買樓自住, 只要有能力比首期同供得起, 幾時都係入市時機. 有錢人好同意呢一個想法, 而且, 加多一句 ~~~ 越早開始就越好... 有錢人好好彩識到有錢太太, 當年佢唔嫌我人工低, 又唔嫌我無蓄錢, 同我夾錢買樓, 依家佢都算係守得雲開見月明. 起碼我依家份人工都夠供起晒全家樓按再加生活開支, 而再加上有錢太太工作也有不錯的收入, 所以生活雖不至於富貴, 但也頗鬆動的.

如果閣下唔係好似有錢人咁好彩, 早幾年無買樓, 到依家仲係同屋企人或者租屋住嘅光棍一條, 依家想買樓, 有乜嘢要考慮呢?


上車盤的買樓準備 (一)  同大家計過數, $200萬樓只需 $23萬就可以入伙住得, 咁之後供樓呢?


以有錢人近期同銀行傾計的結, 依家大部份銀行做自住樓按揭係 P-2.75% 至到 P-3.1%, 如果選H-PLAN, 就會係 H+2% 至 H+2.3% 不等. 通常新做按揭都會比返 借款額的1% 至 2 %現金回贈.

以年青人無乜錢但大把青春計, 最好的玩法就係25年或以上. 今次我地就當係25年供款吧:

$200萬做9成按揭, 借$180 再加 接近$1.8萬 MC:

P-2.75%, 實際年利率大約係 2.5% ~~ 即係大約每個月供 $8200;
P-3.10%, 實際年利率大約係 2.15% ~~ 即係大約每個月供 $7800;

H+2%, 實際年利率大約係 2.3% ~~ 即係大約每個月供 $8000;
H+2.5%, 實際年利率大約係 2.8% ~~ 即係大約每個月供 $8400;

其實銀行雖然想做生意, 但H-PLAN已經玩到爛咁滯, 所以睇上面的例子都知 P-PLAN 已經吸引過 H-PLAN了....  H+零點X % 的時代已結束了...  但現在仍是低息時間, 大家有無試過做按揭係 P+x %?!

如果大家有錢少少, 唔買新界樓, 買市區樓的話.... 當$400萬樓, 一成首期就要 $40萬, 加agency fee $4萬  , stamp duty $9萬 ($200萬以上的樓開始貴好多)... 前後50零60零拎鎖匙, 之後供款就係上面的 double多少少. 

供樓負責是重是輕就見仁見智了.

有錢人的建議是, 如果男女雙方的收入減去供養兩面家庭後, 都仲有接近$2萬, 可以去馬有餘了...不用等甚麼回一回呀, 低位呀... 因為呢啲只係投資者重視的, 我們自住的, 是用家嘛!