換樓準備, 大致完成了

有錢人的買樓計劃2012上一篇 (第四篇)是賣樓 ~~~, 在本月中已經完成, 剛好銀行又已經批出新樓的貸款plan.



由於早前有錢人怕唔夠錢洗, 所以新樓要求特長成交期去到6月頭才正式成交, 比多啲時間自己賣樓, 而舊樓也在同月賣出了及剛成本了, 有錢人也收到樓按以外的差價了, 做緊短暫的 "百萬富翁"... 本來, 有錢人有想過將呢筆錢睇下有無得做多少少短期操作賺賺外快, 但因為與基本生活開支及合約有宜接關係, 所以只係空存在幻想中, 不會實行.


(如果, 這差不多一百萬全部做短期操作, 1%就是1萬....都夠去個短線豪華團了....想下好了, 有甚麼波動就....哈哈哈)


由於6月先拎新樓, 呢兩個月會同新業主短租, 其實租金比市價貴一成, 但搬少一次都底返了, 而今次個agent表現令我有點失望, 因為佢差不多最後一分鐘先傾掂數, 如果有乜冬瓜豆腐傾唔掂, 我就死都唔會搬嫁嘞, 一係就個agent幫我搬囉, 一係我唔比agency fee!!! (好似好惡咁...但其實agency fee一早已經比律師行扣起了)

由於一切都準備好了, 所以依家可以做的就只有等 ~~~ 等律師出合約, 等銀行mortgage出合約, 等收鎖匙, 等入伙... 今次搬屋有點似幾年前第一次買樓的興奮, 今次興奮, 係因為自己憑自己的努力搬入 "千尺豪宅", 今天揸車同有錢太太經過一個獨立屋屋苑, 我同佢講,希望下一個樓市循環時, 我地有能力買一幢連花園的獨立屋!! (遲下計劃下要點樣做先實現得到)