睇公司 買股票

有兩句說話時常都可能正確, 可能不正確:

"時勢造英雄" / "英雄造時勢"
在選擇投資的公司亦是一樣, 有人喜歡由上而下睇, 有人喜歡由下而上咁睇, , 其實大家都一樣有機會錯. 巴菲特曾說過, 買朝陽行業的普通公司, 比夕陽行業的出色公司更有價值, 但佢自己卻為了"煙頭", 買過夕陽行業的普通公司 (依家仲變了他的旗艦啊!), 最後終生抱憾, 做過一次大傻仔.

如果你買了李生 (無論是x哥或4叔)重點投資的公司, 一般都是快點跳船好過了. 唔係因為公司唔會賺錢, 而係因為賺完錢無得分比你姐.

在選擇投資的公司時, 我地做散戶的, 第一樣要緊記的, 就是有無得分, 有得分的話就算賺得唔太勁都唔錯, 起碼有數得計, 所有投資大師寫的書都叫大家, 一定要睇有無股息, 仲要睇係唔係平穩地有股息.

在香港, 好多公司都仲係家族式管理 (包括所有大地產商), 人地"圍威喂"分股合股派紅利點都得, 但未必有小股東份, 所以 "股息" 呢條天條就更加重要,

刻下恆指下跌不少, 很多公司都跌回值得買入的價位, 如果早有準備做好功課, 就會發現是時候開始出手了. 但大前題是, 你做好準備了嗎?