有錢人的股票投資 2011-2012

剛剛回顧自己的資產組合變化, 其中股票在過去一年改變頗多, 有錢人的股票倉由滿倉到差不多空倉. 當中經歷過的與原因, 在這裡做一個簡單紀錄, 以便日後回顧、反省及調整.


呢兩年擁有過的股票, 買入原因, 現在景況, 前景睇法:
1086 好孩子; 中國童車市場上的大哥, 因為對未來"孩子"市場有憧憬; 做唔到招股書所言, 股價已下跌到 $2.5水平; 等佢真正轉勢先買入未遲;

1098 路勁基建; 有公路背景的二三線地區細地產發展商, 派息穩, 公路業務無乜大變動, 但地產發展就食晒政策影響, 無乜好嘢做到; 短期內公司發展都無乜運行, 股票亦然, 但其穩定的高息政策, 對"好息"之徒是不錯選擇;

1398 工行; 國有大銀行, 唔洗講嘢; 現在等比人炒上去, 每年都有一兩次上上落落, $5炒上去, $7落返嚟, 依家息率4厘幾, 好抵買又好抵揸;

1688 阿里巴巴; 中國網絡生意大哥; 現在$13左右等私有化, 公司前景秀麗但無我地份...;

330 思捷; 本來買入因為佢夠大隻, 認為佢有能力做返好少少已經有點成績, 點知越做越唔對勁... 管理層更提出玩命式的 "180億星戰計劃", 走吧.....;

345 維他奶; 香港老牌公司, 派息作風及公司文化純樸踏實; 近年儲夠錢向佢發展多少少, 相信呢兩年係投資期, 派息會減啲, 但未來又會慢慢好返; 現價 $5.7, 已經買得過, 揸得過;

2317 味丹; 本來買入博佢攪掂官司之後可以上返正軌, 但好似都無乜起色, 仲要撞正歐債, 只是一般工業股, 買佢等, 不如買維他奶等;

2628 中人壽; 中國人壽市場份額最高, 但現在市場競爭激烈, 有錢人相信長期來講都係中人壽會跑出, 但就一定唔係呢兩年嘅事, 有錢唔怕買入, 放佢三五七年, 一定有唔錯回報;

2800 盈富基金; 追蹤恆指的基金股票, 要 "15%回報退休計劃", 呢隻好嘢!!!

3818 中國動向; 二三線體育股, 大把現金在手, 買入為左分佢啲"錢", 生意唔多好, 錢就慢慢洗晒;

941 中移動; 內地阿哥中阿哥, 有錢就買下收息, 無有怕!!!!

945 宏利; 雖然不復當年勇, 但都唔係得 $70 - $80 咁低嫁嘛. 早兩年低位買入, 百幾蚊賣出, 現價過百....買入揸就無謂嘞, 我寧願揸中人壽同平保了;

= = = = = = = = = = = = = = = = = = = =
由於要買樓的關係, 有錢人已經在早幾個月清倉了. 現在只剩下少許2800 盈富做倉底, (現正又回到慢慢儲貨中的階段).

上述12隻股票, 有6隻 (1398, 345, 1688, 2800, 941, 945)賺住走, 6隻 (1086, 1098, 330, 2317, 2628, 3818)蝕住走 ~~~ 成功率只是 50%, 基本上全部 "博"升值的股票在呢兩年的操作中都失敗了.

賺的, 平均賺10% - 20%, 蝕的就少則蝕 20%、30%, 多則蝕60% -  70%; 但因為我不是平均地投入, 賺的那幾隻股票一般都是投入多點資金的, 所以計渾就蝕10%左右 ~~ 呢個就係 CKM001 時常說散戶要以藍籌、指數基金為主, 二三線股為副 (甚至不多於10%資金)的好處. 我不是CKM001的信徙, 也有不少地方跟他的觀點有不同, 但我很欣賞他的無私分享及多年堅持分享!

如果唔係買樓, 全部要揸的 (不計要跳船或早有賣出打算的)都揸到依家的話應該大約就是賺2%-3% (因為呢幾個月上升了不少), 但當然無得咁計, 唔賣股, 又無錢買樓, 食唔到樓價上升個勢頭姐.

回看自己操作上的問題, 不是有否睇錯甚麼股甚麼公司, 睇法有錯誤就一定有嫁嘞, 巴菲特夠話自己最錯的投資決定就係買左巴郡添啦....而我呢兩年的主要錯誤是在 "加碼"的操作上, 所訂立的間距太少, 應該再加大下跌的入貨間距.

再講, 就係對 "跳船"的決定要再調整. 即是如何睇公司的管理層這方面的技巧 (其實應該講智慧)有很多進步的空間. 要令到一個投資者 "跳船", 唔係因為股價下跌, 或是經濟差, 而最主要係:

1. 管理層變質;
2. 公司的業務是夕陽行業;
3. 同行之中有更明顯的優秀公司出現/發現;

有錢人要在上述幾方面再進步.

共勉之!!!