資產價格升跌與現金流

最近全球經濟政治又有新發展, 令到股市波動加大, 有不少股票也因此而又被舞高弄低, 害得不少散戶又要蝕錢走人...

無論大家是投資、投機與投運 是但一種, 其實都係想賺錢, 只不過在賺錢的過程裡面, 又有沒有想過, 賺錢是由於資產價格上升的, 定還是增強了現金流呢?


我們都為自己的財務自由之路努力中, 但其實, 要財務自由就一定要有現金流, 所以富爸爸叫大家增加被動收入. 對於打工一族來講, 最容易想到的被動收入就是: 銀行利息、股息、買樓收租, 銀行利息已跌到歷史低位, 如果你的本金多到連 0.1% 的利息都夠你食, 恭喜你, 你的現金無十億八億都有起碼三兩億掛...


否則, 我地就最好諗下股息同收租, 如果要買買賣賣賺差價, 有錢人個人的經驗通常都係失敗收場, 因為我係一個外行人, 唔可以太貼市, 無論對樓、股、匯、期, 全部都玩過, 只要有任何一次我心想賺差價的操作, 十之八九都係衰收尾, 可以咁講, 喺買賣的範疇上我絕對係明燈. 


但我實質的個人資產增長 (是資產, 不是投資)卻平均每年有十來個%增長, 因為有更多的份額, 我只著眼於 "現金流", 即是說, 只要不斷可以提供正現金流的東西, 我都有賺無賠. 就以買樓為例子:


一層樓 $160萬, 要買入收租就比約 $50萬首期加律師經紀佣金 (政策改了, 依家好似要比四成首期), 而收租方面就大概有6千5鬆啲; 借 $110萬分30年還, 2%息就每個月還 $4000左右, 加埋其他差雜稅即係無左 $5千, 咁最後就有千幾淨返嘞.


雖然睇牌面, 好似好唔底, 一開波比幾十萬出來, 每個月都係收返雞碎咁多, 仲要冒一個風險就係層樓有機會跌價嫁喎.... 但想深一層, 拎左幾十萬出來, 就可以開始搵人每個月比錢你儲, 又有人比 "雞碎"你洗, 大家要做的, 就係每個月收租同每年合約到期時問下個租客仲續唔續, 租就繼續, 否則再搵客.


大家又會諗, 如果層樓個價跌得多, 咁多多租都收唔返啦... 係呀, 呢個係現實, 如果喺97年買樓收租, 有啲地方到依家係仲未到個買價嫁, 又如何? 就以上面$160萬樓為例子, 假設一買無耐唔知點解跌了$30萬, 即係層樓市價得返 $130萬, 但我唔賣, 繼續收租, 層樓繼續為我帶來每個月唔洗錢供樓加千幾蚊正現金流. 只要我比首期的幾十萬唔洗急用嚟開飯, 基本上已經有賺無賠... 就算十年之後層樓個價無升過對我來講影響不大, 我仍然個個月收租, 個個月有人幫我供樓, 個個月有千幾蚊落袋.

所以, 對於我地呢類打工一族來講, 投資時一定要講甚麼保本, 不如努力著眼於穩定的正現金流.