中移動之移動城堡

原來, 有錢人上次提及中移動(2012/03/25)已經係3月的事了, 之後3月尾有錢人就有些 $82.5 的SP合約"被屈"入貨, 雖然我本身都覺得$82.5底買的了, 但當時市價剛剛好企在 $82.5都被行使了, 自覺一定是大行的程式所為, 所以有點"被屈"的感覺而已...


有錢人不是想吹噓甚麼, 只是事實勝於雄辯. 正如我上個月的"預測"一樣, 中移動股價在一輪上上落落之後,  "大市"又穩定了, 股價直上$85. 我要多謝"屈"我買貨的賣家, 又比錢我賺. (其實心理有點咕嚕咕嚕, 因為之後一日股價低多成蚊幾, 買貴了點, 賺少了...)

我在四月已經用這些股賺了一浸權金, 嚟緊5月又會再做多次相同動作, 如果唔到價就等6月收股息 (約一萬), 又收權金約一萬!! 如果到價賣股唔收息, 價差萬幾, 收權金又差不多一萬.....
即是賣唔賣得出都有約兩萬進帳 爽爽爽

其實, 現在的中國電訊股進入了另一個時代 ~~~ 有錢齊齊搵時代, 佢地唔再玩減價戰, 幾家大電訊公司都得益, 盈利上升, 派息上升, 這個週期好有可能再延續三兩年, 雖然間中也有聽聞公司有高層被查, 被炒等等, 但是內地的電訊服務發展是大勢, 有固有資產收益的幾家龍頭就是很難被取代, 所以有錢人一見有4厘以上的情況, 就會入一點, 如果不幸 "大市"又下跌得多 ~ 多的意思, 是起碼跌10%-20%,  我會睇位又入, 又做點期權為已有之股票增加收益率, 當股價回升之時,  就是收成之日.

有錢人的這個做法, 一來又有現金流 (權金/股息/股價差), 二來又有賺頭, 雖一定不可能賺到最多, 但又唔會蝕死 最多就是走單邊下跌, 再增加入貨機會, 或是單邊上升, 賺唔到盡; 最重要是, 中移動的成本, 網絡, 資本優勢一日存在, 這就是她的護城河. 何時會完結?? 可能直至天荒愛未老.... 中國大陸完全開放電訊市場, 讓資訊完全自由流通, 才有機會慢慢減弱而已.

然而, 我的這個賺錢經驗, 這個月可行, 不代表以後都可行, 也不代表人人都合用, 大家覺得啱用就用 (反正不是甚麼秘技, 只是用SP期權入貨, 再做SC期權, 賺差價, 賺權金, 賺股息而已). 

選對股票, 做對預測才最重要的一環!!


共勉之