怪聞, 但報導更怪!!

你信嘛? 我就唔信, 因為唔MAKE SENSE, 但報導竟然會出到街....

節錄自明報罝業網:
http://property.mpfinance.com/cfm/pa3.cfm?File=20130503/paa01/laa1.txt

明報
2013年05月03日

業主驚辣招 買樓2月損手離場
205萬買兆禧苑 付額印輸38萬

【明報專訊】政府連番出招壓市，負面情緒充斥市場。有業主於今年2月新辣招前，在毋須按揭，並以一筆過付款購入屯門兆禧苑E座高層5室，但持貨僅兩個月，終被新辣招威力震走，業主「腳軟」寧願支付20%額外印花稅（約41.6萬元）離場，樓價雖微賺3.17萬，實際虧蝕約38.43萬元。隨業主進一步擴大減價，本月首兩天已有多個大型屋苑相繼「開齋」，交投似有加快象。

樓市氣氛持續低迷，部分「驚青」業主陸續減價沽貨。屯門兆禧苑E座高層5室業主，今年2月斥資204.8萬元（自由市場價）購入，打算作自住。惟近期市不景，負面消息籠罩市場，業主擔心未來樓價大跌，寧願支付20%額外印花稅（約41.6萬元）也要盡快離場。

.........

= = = = = = = = = =

睇完段新聞, 我第一個感覺是: 無可能!!! 一係記者吹水, 亂寫, 一係就個"業主"吹水, 但個記者低能!!

如果你有錢買了架二手車, 準備自用, 一炮過比晒錢個賣家, 當個賣家交貨比你的時候, 你"驚"車價會下跌,所以即時賣走架車, 唔用了, 仲要比埋下手個轉名費牌費,驚下手唔要你架車.
合理嗎?


一炮過比得204.8萬買樓, 仲要比經紀佣金, 印花稅, 律師費. 加加埋埋都 210萬現金喎, 轉頭無左幾十萬? 傻的嗎?

純粹斷估: 有得咁多錢肯比出來買屯門的居屋, 好有可能係住開附近的人, 仲有可能係老豆老母買比個仔/女結婚用,但點知後生的唔鍾意層樓, 所以簽完紙收好樓即時放賣, 收返舊錢買第二度!! 甚至直頭拎埋舊錢 "等"跌.


打死我都唔信新買的自住樓會因為"怕"樓市跌, 所以即是蝕住走!!  將心比己, 你會嗎?