5年內細屋搬大屋 (二)

上文提到有錢人在這幾年的整體變化, 令到有錢人可以細屋搬大屋, 現在就更詳細地記錄有錢人的現金如何 "變出來":


1) 2006年買樓, 無錢剩;

2) 月供 $7,600, 差管雜水電煠平均每個月$3,000;

3) 扣除供款, 有錢人每個月儲蓄約 $2,000;

4) 2007年開始減息, 兩年共減大約12次, 由最初每月供$7,600, 到2009年尾月供約 $5,500; 最優惠利率由最初的7厘幾減到依家的5厘多少少;每次減息, 我就供少三兩百;

5) 2008年結婚, 無錢擺酒, 同有錢太太商量過, 如果夾硬要比酒樓酒店賺為求 "開心", 不如旅行結婚算了吧, 所以無擺酒, 只簽紙結婚就飛 ~~~ 唔洗煩, 都幾爽!!!

6) 2009年尾, 第一層樓舊按合約罰息期到期, 即飛 ~~~ 轉按h-plan, 利率再由兩厘多少變為一厘唔夠, 供款突再減約一千 ~~~ 少一千的支出, 就是多一千的收入!!!

7) 2010年初, 有錢人手上有廿零三十萬, 本想同有錢哥哥夾錢買樓 (第二層樓), 把第一層樓放租, 扣去第二層樓的供款後就平分的, 但有錢哥哥唔想日後有爭執, 所以比左廿幾萬有錢人之後決定唔玩了, 只收樓按利率無條件借錢比有錢人. 有錢人唔想拖有錢哥哥太耐, 但又唔係好夠錢一次比返晒錢佢, 故提議分5年以按息利率還款, 當時第二層樓的樓按為 H+0.65.  搵到租客, 唔計還錢比有錢哥哥, 每個月仲有 $1,000淨袋, 爽!! (感謝有錢哥哥, 佢本來呢啲錢係已經買好晒股票等收息賺緊錢的,為左我而賣左股票同我"夾"份的, 呢啲才是真兄弟嘞, 這是無條件的奉獻. 再一次多謝有錢哥哥);

8) 2011年, 樓市無下跌, 加按第一層樓, 套現50萬, 還清有錢哥哥條數, 開始自己的"加按投資"活動 (加按 201102 (2)) 加埋儲蓄, 自己手頭上流動資金約有70萬 (期權+股票+現金);

9) 2012年初, 買第三層樓, 跟手賣第一層樓 ~~ " 升市先買後賣, 跌市先賣後買";
     第三層樓大約$390萬買入, 首期連洗費約需要 $130萬; 賣出第一層樓大約$240萬, 減洗費及銀行按揭, 回水約$80萬, 自己資金70萬左右. 加埋剛剛好, 仲有大約廿零萬淨...

10) 第三層樓交樓了, 繼續儲蓄、投資我的 <有錢人之路>

共勉之!!