買股票 ~ 往績與預期

最近同做股票行的朋友食飯, 他們都說最近個市好靜, 食多半個鐘飯先返都無乜所謂. 咁又係, 全日成交得三四百億, 同高峰時日日都過千億又點可以相提並論呢? 不過, 個市淡淡靜的時間就更值得我們細心想, 慢慢諗自己的投資.

我們買股票, 當然係想佢升啦, 但我們又唔係先知, 又點可以下下買到十倍股呢? 大家打開報紙時常都見到好多財演講某某公司好前景, 乜乜公司好回報, 又有聞甚麼大行調升甚麼公司的目標價. 其實這些所有的資訊, 全部都係預期. 甚至乎有BLOG友說中人壽上$200, 或是四叔曾經都話恆指上四萬點添, 咪又係一個預期吧.

以現在來睇, 無論是人壽$200; 或是恆指4萬點, 睇來都是預期失蹤了. 咁我地買股票是否不要期望過高呢? 或是睇往續呢?

有錢人可以咁講, 往續同預期同等重要 ~~ (咁咪即係廢話?!)

一間公司的往續, 是比我們(散戶)一個好好的根據, 話我地知呢間公事做過甚麼, 所以巴老叫老散買就買有起碼5年派息紀錄的公司, 也最好買藍籌股. 唔識選股就買指數基金, 有錢人經常推介 2800 盈富基金, 原因就係比較少機會你同佢講 "你呃人".

至於新股、細價股的買賣就當玩下好嘞, "最好不要用多過一成資金".

公司往績除非是造假, 否則不會騙到人的, 尤其是派息部份, 真金白銀的比你, 如果係有5年以上都係派息, 仲要係增加派息的話, 衰極有個譜 (但都平極有個譜),  騙子那來這麼好連年比錢老散唔cap水?  至於未來的事大家都不知道, 都係打折計算吧.