女人投資的巴別塔

有錢人很喜歡跟朋友 傾計, 無論是投資股票, 期權, 物業, 以至投資自己的時間, 人生, 健康, 下一代, 男人女人之事, 我都喜歡談, 也喜歡聽人講自己的故事. 在傾聽他人訴說自己的成功/ 失敗/ 心路歷程, 以至思想路徑, 思考方法, 我可以從中去了解每個人自己的"巴別塔".

最近, 有錢人跟朋友 JC 食飯, 談起股票投資, 她問我對於不同的新股有甚麼睇法, 好似翠華上市, 佢好有興趣抽, 原因係佢反正都成日食翠華, 佢覺得翠華除左貴之外, 食物質素真係比其他的茶仔好. 當然, 我同意翠華的食物唔錯, 但如果要投資一支股票, 我就一定唔揀翠華!! 原因同米蘭站也差不多.

之後我地又講到賺到的錢點樣"洗", 我問JC, 你歷年的回報大概是多少? 

JC話, "我又無乜計過喎, 我通常買落之後就比佢走一段, 賺到咁上下就沽左佢, 買入物業收租, 好似之前咁, SSD/ BSD未出台, 我就買左一兩個車位收租, 點知買左無耐就辣招出台了, 真係多謝晒, 哈哈."

問到佢嘅投資心得, JC就講, "我無有錢人你咁鍾意分析咁多嘢嫁, 我買股票只係睇自己識唔識呢間公司, 同埋有無閒錢喺手嫁咋, 有得賺又賺夠咯, 咪拎出來買入物業收租囉, 穩定收入嘛"

照聽照估, 她的投資回報一啲都唔低!!

= = = = = = = =

JC, 女性, 工作十分穩定, 收入也不低, 屋企的小孩子也十幾歲, 讀中學有自己的天地, 沒有甚麼經濟壓力, 所以閒來就買下股票, 搵下義工做, 讀下書. 

有時候, 投資要的就是這麼簡單, JC的投資也應了PETER LYNCH的說話, "自己太太的投資, 可以比投資大師更好, 因為佢地更貼近生活"!!

共勉之!