地產真的是霸權嗎?

"地產霸權"呢個名字其實大概始於2005年, 由潘慧嫻女仕寫成的 "land and the ruling class in hong kong", 之後大概2010年被翻譯成中文, 就係咁, "地產霸權"就成為在香港家傳戶曉對香港大地產商的一個統稱.
然而, 有錢人想不通的是, 地產真的是在"霸權"嗎? 他們的能耐又是怎樣練成的? 就算是有霸權, 難道我們散戶就只是待煮羔羊?? 首先表明一點, 有錢人不是幫地產商打工的, 也沒有直系親人幫佢地打工, 而我的工作又往往與地產行業有關係. 而我只係講出我的睇法,  因為有呢啲睇法, 影響到我的投資.

一) 有錢人住在新界地區, 近十年新界真係發展迅速, 其中, 一定要數元朗, 君不見yoho town在2003年開賣, yoho midtown 2010年開賣, 嚟緊仲有個yoho3期...呢幾年附近的舊樓, 舊商場, 鋪位, 真係升到無朋友....但係, 佢地升, 唔係因為地產啊, 係因為西鐵通車通到尖沙咀, yoho食左個勢又係又新又大的樓盤, 人流多左, 呢個係一連串反映而已.

yoho town 03' 沙士年開賣, 細單位一球咋, 地產商新地之後都仲有大把貨賣唔去, 仲有大量車位食西北風食左十年八載. 這些風險邊個食呢?


二) 香港自董建華年代開始, 一直都比做唔出乜嘢實事出來, 真係講得出做唔到, 想做又比垃圾會左問右插拉布覆核乜都有 (那幾位經常被逐的專貴議員, 多謝你!!)...西九啟德都係一例, 一啲有心有力有財有勢的集團, 自然可以ride-on呢個勢, 做大做強做霸主, 只不過"勝者為王, 敗者為寇", 點解又唔見 "信x", "太x", "九xx"霸得出樣?

三) 由於工作關係, 本人都幾經常接觸不同的地主, 業主, 大小地產商, 以及其管理公司, 老實講, 有時真係唔到你唔信, 也唔到你唔服, "行家一出手, 便知有沒有", 無論從公司文化, 同事質素, 人仕的積極, 行事變通, 你會知道, 點解地產界別呢幾十年, 死左9成公司, 而依家也只剩下幾間大公司佔了50%以上的"生產", 也明白大部香港人都只認識幾間管理公司.

四) 作為業主, 作為投資者, 我都係想有得住又有得賺姐, 係唔係地產霸權, 超市霸權關我Q事, 我比得起, 賺得到, 過得開心就可以了吧, 我真的是一個這樣的蠢才, 我看到的"霸權", 竟然令我的物業價值倍升了, 也令我生活更方便了, 我應該反它嗎?

作為市民, 我會"反霸權", 希望多些競爭, 但這些霸權卻是競爭中的勝行者, 我地都在用腳及行動投票, 問大家, 你會買新X樓定係小甜甜樓? 你在街市的雜貨店買到粟子蓉嗎?

但是, 作為業主, 作為投資者, 我樂見其發揮協同效應的升值潛能, 所以, 我買 "2824"!!