維他奶 2013

翻看記錄, 原來有錢人上次寫維他奶, 已經是2011年頭的事了, 之後就沒有再寫, 前後也有1年零9個月, 唔係有錢人唔記得或者放棄維他奶, 而係佢無乜好寫, 它是一間穩定穩陣, 有錢賺, 有息派的公司, 之前有錢人都預期, 以當時市價計 (好似大約$6.5), 維他奶平均一年連股息回報大概是10%-15%, 是合預期的.



事後孔明, 如果能在上年低位... 大槪是2011年8月至10月期間吧, 價位也跌至 $5.5水平, 對比現價, 就緊係更"美味"了. $5.5 -> $7.8, 相差$2.3, 其間送紅股0.151及股息$0.032, 以現價(11/28收市價)計即是大約收息$1.2, 連同股價升了$2.3 即是 $3.5/ $5.5, 一年賺了 64%啊....

展望2013, 維他奶基本因素可以說不變, 都係平穩增長, 內地都仲係投資期, 派息應該不會高好多, 要買入的話, 現價不是太理想...都係等下...待佢落到 $6.5 字頭水平, 這需要很大的耐性.

有錢人始終相信股市每年都會有一個小型"股災",普遍跌價一兩成, 三至五年就有一個中型/甚至大型"股災",普遍跌價起碼兩三成以上.

在投資的領域裡 "坐功" 比 "進攻" 更加重要.

共勉之!