二十幾歲決定男人的一生 ~~ 砍柴人

好耐無寫閱讀報告....唔係無睇書, 而係一路睇一路睇都無乜記錄, 有錢人盡量趁有空檔寫返近期睇過我好書同大家分享.

呢本書名 "廿幾歲決定男人的一生"其實男人女人都啱睇, 佢係一本勵志書, 仲係叫你盡早發奮的勵志書, 雖然書中成日都講廿幾歲仔女就要努力, 否則到你三四十歲就想努力都唔可能, 但有錢人覺得, 無論你幾多歲都一定要努力為自己的未來而打拼!!!



全本書分左好多個不同的角度去講一個人如何在社會向上流, 佢地要點做點諗, 先有機會出人頭地, 又或者變得成功. 其實, 都係不外乎要有夢想, 有目標, 有行動, 有堅持, 將心比己, 不怕蝕底, 不斷進步... 否則, 就安份守己地做一個平庸的打工仔吧!!

有錢人對入面好多內容都十分認同, 因為這正正是有錢人在十年之前已經開始做的事, 當然, 現在的有錢人不算是成功人仕. 雖然比上不足姐, 但比下亦有餘, 有能力養活自己及家庭以外, 更有餘力做點善事, 而且我亦在不斷進步中.