330 思捷做老千?! 唉

雖然, 有錢人在2011年第三季已經把330思捷打鈀 (2011/09/16 令人失望又憤怒的思捷 - 打鈀!!), 但有錢人一直有留意思捷, 始終它也曾做過股市奇葩. 然而, 它一次又一次令人失望...

今次衰甚麼? 思捷好似做了老千一樣囉...

上個月思捷要供股, 供股文件說道 "銷售情形樂觀，令管理層感到鼓舞", 仲要係2股供1股. 即係買了兩蚊又問你拎多1蚊, 都供得幾金....點知早兩日睇新聞, 佢老闆竟然好意思走出來發盈警, 這等行為完全無視所有人的智慧, 也不理會道德. 曾幾何時我思捷, 是我等老散的一個夢, 因為刑李源只是一個普通香港仔, 佢竟然可以用短短十幾年就"變"出一個百億王國, 而佢老人家更娶得美女林青霞, 簡直羨煞旁人.

然而, 刑李源差不多全身而退之後的思捷, 就好似一隻無主孤魂般, 沒有方向, 股價拾級而下, 高層一個一個跳船, 慢慢也被基金佬所管理, 就好似早兩年的 "180億星戰計劃", 到今次的老千事件, 著實給大家最後一次警號: " 要走襯早".

其實, 管理層真的很重要, 因為佢絕對係整間公司的主宰, 如果遇著向錢看的管理層, 最終, 百億公司也會變成老千...

今天的思捷, 明天的蘋果, 小心!!

共勉之!