投資目的 - 賺錢 (二)

在繼續之前, 有錢人想講一個三國演義故事:

關羽是何等人物, 大家都知道, 但關羽之死, 卻是眾說不一, 而有錢人認為, 關羽其實是死在自己手的...
年輕時關羽千里走單騎，過五關，斬六將，使之一步一步養成狂妄自大之態。關羽驕傲自負，目中無人，個人英雄主義至上。守荊州時，孫權遣諸葛瑾來提親，關羽勃然大怒曰：“吾虎女安肯嫁犬子乎！”在關鍵時刻，無視諸葛亮“東聯孫權，北拒曹操”之大計，剛愎自用，無視大局，不懂得國家利益至上；關羽戰樊城時，擒于禁，斬龐德，威震華夏，驕傲情緒如日中天；東吳派陸遜替代呂蒙，迷惑關羽，使關羽瞧不起陸遜而輕敵，最終被呂蒙喬裝襲破荊州，敗走麥城，枉送了性命，給蜀國造成巨大損失。性格即命運，不健全的性格，無異於自殺。所以，關羽從根本上說是死在自己手裏，簡直稱得上是性格的悲劇。
(抄自: http://tw.knowledge.yahoo.com/question/question?qid=1010032802058) 

(其實, 關羽在進攻樊城時曾受龐德箭傷, 後得醫神華佗"做手術"救回 (此為"刮骨療傷"故事),後華佗勸關羽回荊州療傷, 卻被關羽所拒, 如當時關羽受勸班師回荊州, 亦可避免最後戰敗而死) 


故事就講完喇, 咁有錢人講呢個故事為乜呢?? 就係叫人唔好揀第3項囉. 當你在投資紀錄入面次次都贏, 你就以為自己是不敗之神, 但人始終都是人; 人, 死一次就夠嫁喇!!!

孫子兵法亦有講, "昔之善戰者, 先為不可勝, 以待敵之可勝, 不可勝在己, 可勝在敵". 即是講, 從古到今, 每一位善戰之人", 其實都必須令到自己不被打敗, 而最後才能夠勝敵. 是為 "求不敗, 非為求勝"; 將此一道理用之於投資, 就是股神巴菲特最重要戒條:

第一條: 不虧本; 第二條: 嚴守第一條戒條!!

吹左咁耐水, 又講返四個選擇究竟代表乜呢? (呢個係對散戶來講嫁吓, 如果你係大戶、莊家就緊係唔同玩法啦)

第1項選擇: 根據財演、"專家"介紹所言買入某某公司股票, 認股証, xxxxx: 佢地係唔會一次就令你死嘅, 有時令你贏, 有時讓你輸 (根本佢地都唔肯定佢地嘅介紹會有乜結果) ~~ 即是, 差唔多等同於 "督手指揀股"; 你會慢慢、慢慢輸手續費;

第2項選擇. 自行買賣、選擇 "柯卵"、"牛熊証", "i kill u later"等等 "金融洐生賭枱", 呢啲莊家出嘅盤口, 如果莊家無得賺, 鬼會開盤口比你去 "倒" 喇喎.... 但你也有可能一次過贏凸, 不過, 十次有九次都係蝕本收場姐;

第3項選擇. 好有料嘅 "人" 不停地 "投機" (無論係乜春的方式都一樣以"投機"方式進行), 但, 投資歷史上, 有邊個大人物做呢種行為係無破產經驗? 人地能人所不能, 破完產又來玩過, 一樣東山再起, 但又會日落西山, 再破多九次產, 又發多九次達, 你又得唔得呀??? "人, 死一次就夠嫁喇" (有錢人認為, 歷史上最勁係 jesse livermore - 佢最後一次破產之後無耐就自殺死鬼埋, 真係爽吧?! 赤條條的來, 赤條條的走!!)

第4項選擇. 巴菲特、索羅斯、羅傑斯、東尼、林森池之類.....所有會做足功課加埋風險管理並有心有力有腦有耐性的真正"投資人" (有錢人都希望自己係其中一員); 其實要做到真係一啲都唔難, 睇你有無心去做, 當然, 成績如何就見人見智啦, 但肯定就係最後只賺不蝕!!! (然而, 有80%想做呢種人嘅朋友, 最後因為心理質素原因, 最後變左樣成為 第2項 or 第3項 的犧牲者. 所以, 小心!!)

加油! !