1098 路勁基建 有乜好 (補充一)

仲有一樣事都未講, 係有錢人發明嘅, 叫做 "生財能力價格收益比"(earning ability price rate). 對於呢樣嘢, 有錢人一向好鍾意咁睇, 雖然唔係間間公司都用得著 (尤其金融機構, 因為佢地"生財能力"太複雜喇), 但對於路勁呢類一買一賣嘅公司通常都用得著, 拎嚟做同行比較就最啱.

呢個數字係話比我地知, 我地用緊幾多錢去買呢間公司的賺錢能力, 如果呢個數字係1, 即係我地比緊一蛟呢間公司買佢嘅人力幫我地賺一蚊, 如果個數字係負數, 咁即係間公司比錢你, 叫你買佢嘅人力幫你賺錢. 世界上真係有咁jetso? 有, 不過機會唔會多.

計法如下:
1) 要知道呢間公司的每股現金有幾多; (上網有得搵, 就算無, 都好易計姐)
-- 即是有幾多現金同銀行存款 (睇年報一定有嫁喇), 除以已發行股數啦.

路勁係 $4.12 (30幾億除7.5億股)


2) 然後, 就係"結業資產" (又係有錢人發明的)
     再計埋剩餘的資產打七折去計每股淨資產: (總資產-現金) x 70% - 總負債 除股數
    點解要計資產要打七折? 你諗諗, 如果有間工廠要結業, 你估下佢嘅機器呀, 廠房呀, 會唔會賣到好價鴉嗱, 比你係買家, 唔壓佢價就奇咯, 當然, 假設個margin大啲~ 打5折, 不過應該好多公司會係負數 ~ 尤其固定投資大的公司 (所以唔同行業嘅呢個基數應該唔同嘅)
    有錢人想講, 淨係呢條數, 就等同於除左公司啲衫, 睇下佢個body有幾靚 (真係apple對apple咁比較)

路勁竟然係 -$0.24 (220幾億減30幾億 七折後減123幾億除7.5億股)


3) 以現價減去上面兩個總和, 得出嘅就係"生財能力價格".

      路勁 $3.12

4) 用呢個數除以每股盈利, 就等於"生財能力價格收益比" (earning ability price rate).  (當然, 越低越好) (但低到負數就有留意了, 因為業好有可能係負增長or 公司係夕陽行業or 有其他問題)

     路勁 3.16倍

有錢人遲啲會發文比較下其他不同公司